თეიმურაზ კანდელაკი

დაბადების ადგილი: ქ. თბილისი.

დაამთავრა სა­ქართველოს სასოფლო-სამეურნეო ინსტიტუტის სატყეო-სამეურნეო ფაკულტეტი 1964 წელს.

1965 წლიდან მუშაობს სა­ქართველოს სასოფლო-სამეურნეო ინსტიტუტში; 1974-1983წწ. იყო სამეცნიერო-კვლევითი სექტორის უფროსი; 1983-2006წწ. სატყეო ეკონომიკის, ტაქსაციისა და ხეტყის დამზადების კა­თე­დრის გამგე; 2006-2007წწ. რეორგანიზაცი­ის შემდეგ – მეტყევეობის, ლანდშაფტური დაგეგმარებისა და სატყეო მენეჯმენტის დეპარტამენტის უფროსი; 2007-2011წწ. სა­ქართველოს აგრარული უნივერსიტეტის სატყეო დეპარტამენტის უფროსი; 2011 წლიდან ამავე დეპარტამენტის სრული პროფესორია; 1997-2001წწ. იყო სა­ქართველოს სატყეო მეურნეობის სა­ხელმწიფო დეპარტამენტის თავმჯდომარის მო­ად­გილე; 2011 წლიდან არის სა­ქართველოს მეცნიერების ეროვნული აკადემიის სა­ქართველოს მთიანეთის პრობლემების კომპლექსური შესწავლის კომისიის წევრი; 2013 წლიდან სა­ქართველოს პარლამენტის გარემოს დაცვისა და რესურსების კომიტეტის სამეცნიერო-საკონსულტაციო საბჭოს წევრი; რამდენიმე საერთაშორისო ჟურნალის რედკოლეგიის წევრი; მრავალი სამეცნიერო ნაშრომის ავტორია, მათ შორის მონოგრაფიებისა და სახელმძღვანელოების; გამოქვეყნებული აქვს შრომები სსრკ-სა და საზღვარგარეთის ქვეყნებში; მისი სამეცნიერო შრომები ეხება ტყის რესურსების გამოყენების, სატყეო სექტორის ეკონომიკის, მენეჯმენტის, მარკეტინგისა და მერქნის შემცვლელი ნედლეულის სამრეწველო ათვისების პრობლემებს; ადგილობრივი მერქნის შემცვლელი ნედლეულის სამრეწველო გამოყენების ერთ-ერთი მკვლევარი, სატყეო მეურნეობის ინჟინერი, ეკონომიკის მეცნიერებათა დოქტორი (1987), პროფესორი (1988).

წყარო: საქართველო: ენციკლოპედია: ტ. IV. -თბ., 2018.-გვ. 513; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.221

• სა­ქართველოს მეტყევეთა ასოციაცია, პრეზიდენტი (2010-)
• სა­ქართველოს საინჟინრო აკადემია, ­ნამდვილი წევრი (2011-)

• 2001 - სა­ქართველოს დამსახურებული მეტყევე
• 1999 - ღირსების ორდენი
  საქართველოს აგროსამრეწველო კომპლექსის დარგებისათვის მაღალკვალიფიციური კადრების მომზადებაში შეტანილი პირადი დიდი წვლილისათვის, ნაყოფიერი სამეცნიერო -პედაგოგიური და ორგანიზაციული საქმიანობისათვის მოღვაწეობისათვის

• სატყეო მარკეტინგი : სახელმძღვ. სატყეო სპეც. სტუდ. (ავტორი). - თბილისი, 2010. - 283გვ.
• Проблемы промышленного освоения местных ресурсов заменителей древесного сырья (ავტორი). - Тбилиси, Сабчота Сакартвело, 1985. - 291с.