სტეფანე კაპანაკიანი

დაბადების ადგილი: ქ. თბილისი.

დაამთავრა მოსკოვის უნივერსიტეტის ისტორიულ-ფილოლოგიური ფაკულტეტი 1900 წელს.

მოსკოვში ესწრებოდა დრამატულ კურსებს; სასცენო მოღვაწეობა და­იწყო თბილისში; 1904 წლიდან იყო თბილისის სომხური დრამატული საზოგადოების რეჟისორი; მან სომხურ თეატრში პირველად, დადგა მ. გორკის "ფსკერზე" (1908). 1921 წელს მან რეჟისორ ლ. კალანტართან ერთად თბილისში დააარსა სომხური თეატრი (თბილისის სომხური სა­ხელმწიფო დრამატული თეატრი). 1921-1922წწ. სასცენო მეტყველებას ას­წავ­ლი­და სომხურ დრამატულ სტუდიაში (მოსკოვი); 1923-1926წწ. და 1930-1937წწ. მთავარ რეჟისორად მუ­შა­ობ­და თბილისის სომხურ დრამატულ თეატრში, 1926-1927წწ. ბაქოს სომხურ თეატრში, 1937-1944წწ. თბილისის სომხურ მოზარდ მაყურებელთა თეატრში; მის მოღვაწეობამ ხელი შეუწყო სომხური სათეატრო კულტურის ამაღლებას, ეროვნულ სამსახიობო ხელოვნებაში რეალიზმის გაღრმავებას. თბილისის სომხურ თეატრში დადგმული გამორჩეული სპექტაკლებია: ჰ. ბერგერის "წყალდიდობა" (1923), ფ. შილერის "ვილჰელმ ტელი" (1924), ა. ლუნაჩარსკის "ცეცხლის გამჩაღებლები" (1924), ა. კორნეიჩუკის "პლატონ კრეჩეტი" (1936) და სხვა; სომეხი რეჟისორი.

წყარო: საქართველო: ენციკლოპედია: ტ. IV. -თბ., 2018.-გვ. 524

• 1940 - სა­ქართვწლოს ხელოვნების დამსახურებული მოღვაწე