ნანა კეჩხუაშვილი

დაბადების ადგილი: სოფელი ძევერა, გორის რაიონი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი ნიადაგების გეოგრაფიის სპეციალობით 1976 წელს.

1977 წელს მუშაობა დაიწყო სოფლის მეურნეობის აკადემიის ნიადაგთმცოდნეობის, აგროქიმიის და მელიორაციის სამეცნიერო-კვლევით ინსტიტუტში მეცნიერ თანამშრომლად; 1981-1984წწ. სწავლობდა ამავე ინსტიტუტის ასპირანტურაში. მუშაობდა თემაზე - "ანთროპოგენური ზემოქმედების გავლენა წითელმიწა ნიადაგების შედგენილობა-თვისებებზე". 1992 წელს პარალელურად მუშაობა დაიწყო თბილისის ვ. დვალიშვილის სახელობის მე-4 ქართულ გიმნაზიაში გეოგრაფიის მასწავლებლად; 1998-2002წწ. იყო დირექტორის მოადგილე სასწავლო-აღმზრდელობით დარგში. გამოქვეყნებული აქვს 20-მდე სამეცნიერო ნაშრომი, აგრეთვე მეთოდური ხასიათის წერილები გაზეთებსა და ჟურნალებში. არის მასწავლებლის მეთოდური წიგნის - "საქართველოს სოციალურ-ეკონომიკური გეოგრაფიის" (IX კლასი) თანაავტორი. მიღებული აქვს სახელმწიფო ჯილდოები. მინიჭებული აქვს მასწავლებლის უმაღლესი კატეგორია (1998), საუკეთესო მასწავლებელი (1998), გეოგრაფიის მასწავლებელი.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.146