მინდია კასრაძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტი 1986 წელს.

1987-1991წწ. მუ­შა­ობ­და ბათუმის ბავშვთა პოლიკლინიკასა და ბათუმის რესპუბლიკურ ბავშვთა საავადმყოფოს ტრავმატოლოგ-ორთოპედად; 1992-1993წწ. სა­ქართველოს თავდაცვის სამინისტროსა და თბილისის სამამულო ომის ვეტერანთა ჰოსპიტალში; 1993 წლიდან ლიტვაში კლაიპედას ბავშვთა საავადმყოფოს ტრავმატოლოგ-ორთოპედია; 2004 წლიდან კლაიპედას უნივერსიტეტის ჯანმრთელობის მეცნიერებათა ფაკულტეტის დოცენტი; 2015 წლიდან – პროფესორი; არის დ. ტვილდიანის სახელობის თბილისის სამედიცინო უნივერსიტეტის საპატიო პროფესორი (2013); 1989-1991წწ. იყო აჭა­რის ავტონომიური რესპუბლიკის ახალგაზრდა ექიმ-მეცნიერთა და სპეციალისტთა სამეცნიერო საბჭოს თავმჯდომარე; 2010-2015წწ. საერთაშორისო სამეცნიერო ჟურნალ "Innovative Medicine and Biology" (კანადა) ლიტვის დეპარტამენტის ხელმძღვანელი. არის მრავალი სამეცნიერო შრომის ავტორი, მათ შორის 4 მონოგრაფია, 2 ლექსიკონი და 1 სამეცნიერო- მეთოდური სახელმძღვანელოა. ტრავმატოლოგ-ორთოპედი, ბიომედიცინის მეცნიერებათა დოქტორი (2002, ლიტვა).

წყარო: საქართველო: ენციკლოპედია: ტ. IV. -თბ., 2018.-გვ. 566

• ოპერაციული ტაქტიკის შერჩევის ალგორითმი ბარძაყის ძვლის დიაფიზური მოტეხილობის ქირურგიული მკურნალობისათვის ბავშვებსა და მოზარდებში (ავტორი). - თბილისი, დედაენა, 2001. - 14გვ.
• ბარძაყის ძვლის დიაფიზის მოტეხილობების ქირურგიული მკურნალობა ბავშვებსა და მოზარდებში (ავტორი). - თბილისი, დედაენა, 2000. - 232გვ.. - ISBN: 99928-841-8-5
• ეპონიმები ტრავმატოლოგიასა და ორთოპედიაში (ავტორი). - თბილისი, 1999. - 114გვ.. - ISBN: 99928-821-2-3