დაუდ დავითაძე

დაბადების ადგილი: სოფელი ურეხი, ხელვაჩაურის რაიონი.

დაამთავრა აჭარის პარტიული სკოლა და ამიერკავკასიის კომუნისტური უნივერსიტეტი.

1933 წლიდან მუშაობდა ხულოს რაიონში პარტიულ თანამდებობაზე. 1934 წლიდან იყო ბათუმის პედაგოგიური ტექნიკუმის დირექტორი; 1937 წლიდან აჭარის ასსრ იუსტიციის სახალხო კომისარი; 1938 წლიდან აჭარის ასსრ უმაღლესი საბჭოს პრეზიდიუმის თავმჯდომარე და საქართველოს სსრ უმაღლესი საბჭოს პრეზიდიუმის თავმჯდომარის მოადგილე; სსრკ მეორე და მესამე მოწვევის უმაღლესი საბჭოს დეპუტატი; საქართველოს კომუნისტური (ბოლშევიკური) პარტიის აჭარის საოლქო კომიტეტის ბიუროს წევრი.

წყარო: ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.832

• სკკპ, წევრი

• მედალი "1941-1945 წლებში დიდ სამამულო ომში მამაცური შრომისთვის"
• მედალი "კავკასიის დაცვისთვის"
• შრომის წითელი დროშის ორდენი
• სამამულო ომის I ხარისხის ორდენი