სამსონ დათეშიძე

დაბადების ადგილი: ქ. ამბროლაური.

დაამთავრა თბილისის საოსტატო სემინარია 1882 წელს და იმავე წლიდან დაიწყო მასწავლებლად მუშაობა ქუთაისის სათავადაზნაურო სკოლაში. იყო იმ კომისიის წევრი, რომელმაც 1912 წელს აკაკი წერეთლის მოგზაურობას უხელმძღვანელა რაჭა-ლეჩხუმში. რაჭაში აგროვებდა ხალხური ზეპირსიტყვიერების ნიმუშებს: ზღაპრებს, ლექსებს, შაირებს, ლეგენდებს, ანდაზებს და პერიოდულ გამოცემებში ბეჭდავდა. 1919 წლიდან განაგებდა "ქართული ბეჭდვითი ამხანაგობის" სტამბას ქუთაისში. ქუთაისის სათავადაზნაურო გიმნაზიის დამსახურებული მასწავლებელი.

წყარო: ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.837

• ქართველთა შორის წერა-კითხვის გამავრცელებელი საზოგადოება , ნამდვილი წევრი (1892-1900)
• ქართველთა შორის წერა-კითხვის გამავრცელებელი საზოგადოების ქუთაისის განყოფილება, წევრი (1916-)

• არითმეტიკულ ამოცანათა კრებული. ნაწევრები : გიმნაზიის მეორე კლასის კურსი (შემდგენელი). - თბილისი, "ქართველთა ამხანაგობის" სტ., 1919. - 56გვ.
• ქართული წერის დედანი და ხატვის ნიმუშები (შემდგენელი). - თბილისი, გ. დემუროვის სტ., 1890. - 40გვ.