ნუგზარ კიკნაძე

დაბადების ადგილი: ქ. ზუგდიდი.

დაამთავრა ტექნიკური უნივერსიტეტის ენერგეტიკული ფაკულტეტი 1969 წელს.

სტუდენტობამდე მუშაობდა "თბილმშენის" მუშად; 1969-1970წწ. იყო ბათუმის თევზსაჭერი ტრალერის, 1970-1971წწ. საქართველოს საზღვაო სანაოსნოს ტანკერ "ქერჩის" ელექტირკოსი; 1971-1972წწ. საქმთავარენერგოს ინჟინერი; 1972-1973წწ. სამეცნიერო-კვლევითი ინსტიტუტ "მიონის" საამწყობო საამქროს ინჟინერი; 1973-1975წწ. არმიის ოფიცერი: 1976-1982წწ. თბილქალაქმშენის II სამმართველოს მთავარი მექანიკოსი; 1982-1988წწ. საპროექტო ინსტიტუტ "მეტრაქსის" წამყვანი კონსტრუქტორი; 1988-1994წწ. საქართველოს აფროსნობის ფედერაციის ინსტრუქტორი. მონაწილეობდა შავი, ეგეოსისა და ხმელთაშუა ზღვების აფროსანთა შეჯიბრებებში და საზღვაო ექსპედიციაში (1999) - "აბრეშუმის გზა - დიალოგის გზა" (ფოთი-გენუა-ფოთი). მას მთავარი საქმე - კვლევა-ძიება-ნაოსნობა ძველი კოლხეთისა და იბერიის ზღვაოსნებმა, ნავმშენებლებმა და მოგზაურებმა შთააგონეს. მარტოდმარტო მოგზაურობის სურვილი ამერიკელი - მსოფლიოს გარშემო აფრიანი ნავით პირველი მარტოდმარტო მოგზაურის ჯოშუა სლოკამის (1895-1898) წიგნმა აღუძრა. 1994-1995წწ. თვითნაგები კრეისერული იახტით დედამიწის გარშემო მარტოდმარტო ნაოსნობის პირველი ცდა უკვე ჰქონდა. ფოთიდან კანარის კუნძულებს მიაღწია, მაგრამ უსახსრობის გამო მოგზაურობა შეწყვიტა. 2004-2006წწ. ემზადებოდა დედამიწის მარტოდმარტო შემოსავლელად მსოფლიოში ყველაზე მცირე (სიგრძე 3,27 მ.) თვითნაგები კრეისერული იახტით. მარშრუტი - საქართველო-საბერძნეთი-იტალია-სამხრეთ ამერიკა-ჩინეთი-ინდოეთი-არაბეთი-ეგვიპტე-ისრაელი-კვიპროსი-საქართველო იყო. მოგზაური, დამპროექტებელი, ნავმშენებელი, აფროსანი, კაპიტანი, ვიდეოფილმების და საზღვაო წიგნის ავტორი.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.154-155

• პატარა ნავით დიდ ოკეანეში (Author). - თბილისი, პოლიექსპრესი, 2003. - 207გვ.