ვახტანგ კაშიბაძე

დაბადების ადგილი: ქ. ქუთაისი.

დაამთავრა სა­ქართველოს ინდუსტრიული ინსტიტუტის სამთო ფაკულტეტი 1937 წელს.

1937-1940წწ. მუშაობა დაიწყო დონბასში; 1939-1945წწ. მონაწილეობდა II მსოფლიო ომში; 1943 წლიდან მუშაობდა საქართველოს პოლიტექნიკურ ინსტიტუტში შრომის დაცვისა და მაღაროს აეროლოგიის კათედრაზე; 1959 წლიდან ხელმძღვა­ნე­ლობ­და ამავე კა­თედ­რას; მისი სამეცნიერო კვლევები ეხება მაღაროს აეროდინამიკური წინაღობის მნიშვნელობის თეორიულ და ექსპერიმენტულ განსაზღვრას; მან შეისწავლა შახტებისა და მაღაროების აეროდინამიკური ­წინა­ღობის კოეფიციენტის ­დამოკიდებულება ნახშირის სან­გრევების (ლავების) სიმძლავრეზე; შექმნა ორიგინალური ტიპის აეროდი­ნამიკური სასწორი, რომლის მეშვეობით დაადგინა აეროდინამიკური წინაღობის კოეფიციენტები და მათი საანგარიშო ფორმულები სხვა­და­სხვა ტიპის სამაგრებითა და მექანიზებული და ლენტიანი კონვეიერებით აღჭურვილ გვირაბებში; მაღაროში დანერგა პნევმოკონტეინერული ტრანსპორტი; აღსანიშნავია მისი მოღვაწეობა ხელოვნების დარგში – ავტორია რამდენიმე მუსიკალური ნაწარმოების (რომანსი, სონეტი, ფანტაზია ფორტეპიანოსათვის). სამთო ინჟინერი, ტექნიკის მეცნიერებათა დოქტორი (1963), პროფესორი (1964).

წყარო: საქართველო: ენციკლოპედია: ტ. IV. -თბ., 2018.-გვ. 575-576

• 1969 - სა­ქართველოს მეცნიერებისა და ტექნიკის დამსახურებული მოღვაწე

• შრომის დაცვა და სამთომაშველი საქმე : ლექციების კონსპექტი (თანაავტორი). - თბილისი, ტექნ. უნ-ტი, 1999. - 232გვ.. - ISBN: 99928-36-61-X
• მაღაროს აეროლოგია : დამხმ. სახელმძღვ. პოლიტექნ. ინ-ტის სტუდენტებისათვის (ავტორი). - თბილისი, განათლება, 1978. - 291გვ.
• Исследование аэродинамического сопротивления механизированных горных выработок (ავტორი). - Тбилиси, ГПИ, 1965. - 175с.