ანდრო კოტარია

დაბადების ადგილი: ქ. თბილისი.

1938 წელს სწავლა დაიწყო თბილისის სახელმწიფო უნივერსიტეტის გეოგრაფია-გეოლოგიის ფაკულტეტზე ჰიდროლოგია-კლიმატოლოგიის სპეციალობით. 1941 წელს გაიწვიეს შეიარაღებულ ძალებში; დაამთავრა საზენიტო არტილერიის საოფიცრო სასწავლებელი ლეიტენანტის ჩინით. ომის პერიოდში იმყოფებოდა კარელიის ფრონტზე ოცეულის მეთაურად; 1946 წლიდან დემობილიზაციის შემდეგ, სწავლა გააგრძელა და დაამთავრა 1948 წელს.

მუშაობა დაიწყო კურორტოლოგიის ინსტიტუტში. 1949-1952წწ. გაიარა ასპირანტურის კურსი ვახუშტი ბაგრატიონის სახელობის გეოგრაფიის ინსტიტუტში კლიმატოლოგიის სპეციალობით. 1952 წელს მუშაობა დაიწყო თბილისის სახელმწიფო უნივერსიტეტის ჰიდროლოგია-კლიმატოლოგიის კათედრაზე. 1957 წელს მიანიჭეს დოცენტის წოდება, 1991 წელს - პროფესორის წოდება. მუშაობდა საქართველოს ტერიტორიის მზის რადიაციულ პროცესზე. გამოქვეყნებული აქვს 60-ზე მეტი სამეცნიერო ნაშრომი. მათ შორის, სახელმძღვანელო და ერთი ლექციების კურსი. 1975 წელს მიენიჭა თბილისის სახელმწიფო უნივერსიტეტის სამეცნიერო პრემია. გეოგრაფიულ მეცნიერებათა დოქტორი, პროფესორი (1991). 

საკანდიდატო დისერტაციის თემა - "ბრიზები დასავლეთ საქართველოში", დაიცვა 1953 წელს; სადოქტორო დისერტაციის თემა - "ზოგადი მეტეოროლოგია და კლიმატოლოგია", დაიცვა 1977 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.163; საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ.188

• მეტეოროლოგიის საფუძვლები (ავტორი). - თბილისი, თბილ. უნ-ტის გამ-ბა, 1992. - 448გვ.
• ზოგადი მეტეოროლოგია და კლიმატოლოგია. (ავტორი) // წ. 2, კლიმატოლოგიის საფუძვლები . - თბილისი, თბილ. უნ-ტის გამ-ბა, 1973. - 290გვ.
• ზოგადი მეტეოროლოგია და კლიმატოლოგია (ავტორი) // წ. 1, მეტეოროლოგიის საფუძვლები. - თბილისი, თბილ. უნ-ტის გამ-ბა, 1972. - 379გვ.