კონსტანტინე კაციტაძე

დაბადების ადგილი: სოფელი მუხლი, ახლანდელი ამბროლაურის მუნიციპალიტეტი.

დაამთავრა თბილისის სახელმწიფო უნივერსიტეტის სამკურნალო ფაკულტეტი 1929 წელს.

1934-1937წწ. იყო თბილისის სანიტარიისა და ჰიგიენის ინსტიტუტის ეპიდემიოლოგიური განყოფილების გამგე; 1939-1976წწ. განაგებდა თბილისის სახელმწიფო სამედიცინო ინსტიტუტის ეპიდემიოლოგიის კათედ­რას; 1976 წლიდან იყო ამავე კათე­დრის პროფესორი; 1954-1956წწ. და 1964-1973წწ.  სა­ქართველოს ჯანდაცვის სამინისტროს მთავარი ეპიდემიოლოგი; იკვლევდა დიფთერიის, ტიფის, დიზენტერიის, წითელას, ვირუსული ჰეპატიტისა და სხვა ინფექციური დაავადებების ეპიდემიოლოგიისა და პროფილაქტიკის საკითხებს. მიღებული აქვს სახელმწიფო  ჯილდოები. ეპიდემიოლოგი, მედიცინის მეცნიერებათა დოქტორი (1961), პროფესორი (1963).

წყარო: საქართველო: ენციკლოპედია: ტ. IV. -თბ., 2018.-გვ. 578

• 1964 - სა­ქართველოს მეცნიერებათა დამსახურებული მოღვაწე

• დიფთერია : ისტ.-ეპიდ. ნარკვევი. (ავტორი). - თბილისი, საბჭ. საქართველო, 1960. - 248გვ.
• პარაზიტული ტიფების ეპიდემილოგია : სახელმძღვანელო ექიმებისა და სტუდენტებისათვის (ავტორი). - თბილისი, საქმედგამი, 1947. - 140გვ.