ჯემალ კაციტაძე

დაბადების ადგილი: სოფელი ხოტე­ვი, ახ­ლანდელი ამბროლაურის მუნი­ცი­პალიტე­ტი.

დაამთავრა ქუთაისის სასოფლო-სამეურნეო ინსტიტუტის მექანიზაციის ფაკულტეტი 1961 წელს.

1961-1979წწ. მუ­შა­ობ­და სა­ქართველოს სუბტროპიკული მეურნეობის ინსტიტუტში (სოხუ­მი); იყო ლითონთა ტექ­ნოლოგიისა და მანქანათა რემონტის კა­თე­დრის გამგე; 1979-1990წწ. სა­ქართველოს აგრარულ უნივერსიტეტში ხელმ­ძღვა­ნე­ლობ­და ლითონთა ტექნოლოგიის კა­თედ­რას; 1990-2001წწ. იყო მანქანების საიმედოობის, რემონტისა და მასალათა ტექნოლოგიის კა­თე­დრის გამგე; 2013-2014წწ. აგრარული უნივერსიტეტის პრორექტორი სამეცნიერო ნაწილში; ეწევა სამეცნიერო-პედაგოგიურ საქმიანობას; მისი შრომები ეხება სასოფლო-სამეურნეო ტექნოლოგიების საიმედოობის გაანგარი­შე­ბისა და გაზრდის თეორიული საფუძვლე­ბის დამუშავებას, ინოვაციური რესურსდამზოგი ­ტექნო­ლოგიური ხერხე­ბის ­შექმნას გა­ცვეთილი დეტალების აღდ­გე­ნი­სათვის ავტომატური გალვა­ნური (ასევე მდნო­ბის თანაობისას) დადუღების მეთოდე­ბით, აგ­რეთვე მათემატიკურ საფუძვ­ლებს მანქანების სა­ი­მედოობისა და აღდგენის რეჟი­მების ოპტიმიზაცი­ისათვის (განზომილებათა და ­მსგავსობის თე­ორიისა და ალბათურ-სტატის­ტიკური მო­დელი­რების ­გამოყენე­ბით). მის მიერ ნაპოვნია მსგავსობის კრი­ტე­რიუმები და აგებულია ადეკვატური მათემატიკური მოდელები; მიღებული აქვს სა­ხელმწიფო ჯილდოები, გამოქვეყნებული აქვს მრავალი სამეცნიერო ნაშრომი, მათ შორის სახელმძღვანელოები, მონოგრაფიები. 2015 წელს მიღებული აქვს სომხეთის ეროვნული აგრარული უნივერსიტეტის ოქროს მე­და­ლი. აქვს 14 საავტორო მოწმობა და პატენტები გამოგონებებზე. ტექნიკის მეცნიერებათა დოქტორი (1986), პროფესორი (1989).

წყარო: საქართველო: ენციკლოპედია: ტ. IV. -თბ., 2018.-გვ. 578; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.135

• სა­ქართველოს სოფლის მეურნეობის მეცნიერებათა აკადემია, ნამდვილი წევრი (1993-)

• 2018 - საქართველოს განათლების, კულტურის, მეცნიერებისა და სპორტის სამინისტროს საპატიო სიგელი
• 2014 - საქართველოს საუკეთესო მეცნიერი აგროინჟინერიის დარგში
• 1998 - ღირსების ორდენი
  სტუდენტი ახალგაზრდობის აღხრდა-განათლების საქმეში შეტანილი პირადი დიდი წვლილისა და ნაყოფიერი სამეცნიერო-პედაგოგიური და საზოგადოებრივი მოღვაწეობისათვის

• ხოტევი და ხოტეველები (Author). - თბილისი, 2004. - 296გვ. . - ISBN: 99940-781-1-9
• მანქანების ტექნიკური მომსახურება და რემონტი : სახელმძღვანელო (Author). - თბილისი, 2002. - 165გვ.
• მანქანათა დეტალების აღდგენის პროგრესული ტექნოლოგიური პროცესები (Co-Author). - თბილისი, 1989. - 57გვ.
• მანქანათა რემონტის ტექნოლოგია და მათი დეტალების აღდგენის თანამედროვე ხერხები : ლექციების კურსი მექანიზაციის ფაკ-ტის სტუდენტებისათვის (Co-Author) // ნაწ. 2 . - თბილისი, საქართველოს სას-სამ. ინ-ტი, 1980. - 196გვ.