ომარ კაჭკაჭიშვილი

დაბადების ადგილი: ქ. თბილისი.

დაამთავრა სა­ქართველოს სა­ხელმწიფო სამხატვრო აკადემია 1973 წელს.

1964 წლიდან მონაწილეობს სამხატვრო გამოფენებში; ნამუშევრები: "ქალაქური პეიზაჟი" (1975), გრაფიკული სერია "მესხეთი" (1975), "ზამთარი" (1977), "წინაპართა ძახილი" (1984), "კოშკი სიღნაღში" (1986), "თბილისის პანორამა" (1987), ციკლი "ვარიაციები ძველი თბილისის თემაზე" (1975-1998) და სხვა; გამოფენები: "ახალგაზრდა მხატვ­რები"(1976, 1982, მოსკოვი), სა­ქარ­თვე­ლოს სახვითი ხელოვნების რეტროსპექტული გამოფენა (1987, თბილისი), საქართველოს სსრ სახვითი ხელოვნება (1987, მოსკოვი) და სხვა; გარდა ამისა მონაწილეობდა გამოფენებში, რომლებიც გაიმართა ბულგარეთში (1978), ავსტრიაში (1985), გფრ-ში (1988), ქუვეითში (1994) და სხვა; 2013 წელს ჩატარდა პერსონალური გამოფენა თბილისში ("ქარვასლა"); მისი ნამუშევრები და­ცუ­ლია დ. შევარდნაძის სახელობის ეროვნულ გალერეაში, შ. ამირანა­შვი­ლის სახელობის ხელოვნების მუზეუმში, მოსკოვის აღმოსავლეთის ხალხთა ხელოვნების სა­ხელმწიფო მუზეუმში, დ. კაკაბაძის სახელობის ქუთაისის სახვითი ხელოვნების გალერეასა და კერძო კოლექციებში.

წყარო: საქართველო: ენციკლოპედია: ტ. IV. -თბ., 2018.-გვ. 582

• 1986 - სა­ქარ­თვე­ლოს დამსახურებული მხა­ტვა­რი