გიორგი დემურიშვილი

გიორგი დემურიშვილმა ხელობა ტომპსონის ლითოგრაფიაში შეისწავლა, 16 წლისა კი უკვე კარგ სპეციალისტად იყო აღიარებული. 1876 წელს მან თბილისში გახსნა საკუთარი ლითოგრაფია (ეს იყო ქართველის მიერ გახსნილი პირველი ლითოგრაფია). 1889 წელს ბაქოში, 1899 წელს სამარყანდში, ხოლო 1907 წელს აშხაბადში დააარსა თავის კერძო ლითოგრაფიული საწარმოები, სადაც დასაქმებული ჰყავდა 150 თანამშრომელი, ბევრს შეასწავლა ლითოგრაფიის ხელობა. 1903-1904 წლებში სამარყანდში გამოსცა პირველი გაზეთი - "Самаркандец". აშხაბადში ააშენებინა ელექტროსადგური. ქვაზე ხატვისა და ბეჭდვის სპეციალისტი, პირველი ქართველი ლითოგრაფი.

წყარო: ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.858