მიხეილ დევაძე

1900-იანი წლებიდან აქტიურად მონაწილეობდა მუშათა განმათავისუფლებელ მოძრაობაში, ეწეოდა აგიტაცია-პროპაგანდას, აწყოდა საიდუმლო სამხედრო-საბრძოლო კრებებს და ფარულ შეკრებებს. 1905 წლიდან სოციალ-დემოკრატიულ ორგანიზაციებში მუშაობდა მემანქანეთა წარმომადგენლად, ებარა პარტიული ბეჭედი, თანხა და სხვ. იყო პარტიის აღმასრულებელი კომიტეტის წევრი. 1905 წლის ბოლოს შორაპანში, ყაჩაღების თავდასხმას ძლივს გადაურჩა. 1906-1912 წლებშიც აგრძელებდა არალეგალურ მუშაობას. 1913 წელს დააკავეს დუშეთის წითელარმიელებისათვის იარაღის მიწოდების ბრალდებით, მაგრამ ვერ დაუმტკიცეს და გაანთავისუფლეს. 1917 წლიდან აქვეყნებდა ლექსებსა და წერილებს ჟურნალ-გაზეთებში: "ხალხის თავისუფლება", "თეატრი და ცხოვრება" და სხვ. ქართველ მუშთა წრეში  ცნობილი იყო მისი ლექსი "ხმა მამულისა". რევოლუციონერი.

წყარო: ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.845