კარპეზ დონაძე

დაბადების ადგილი: სოფელი ლიხაური, ოზურგეთის რაიონი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი.

1923 წლიდან თბილისის სხვადასხვა სასწავლებელში ასწავლიდა ქართულ ენასა და ლიტერატურას, გერმანულ ენას, კალიგრაფიას და კორესპონდენციას. 1942 წელს ჩააბარა საკანდიდატო მინიმუმი ქართული ლიტერატურის სპეციალობით. 1944 წლიდან ცხინვალის პედაგოგიურ ინსტიტუტში კითხულობდა ლექციებს ახალ ქართულ და საბჭოთა ლიტერატურაში. გიმნაზიაში სწავლის დროს მონაწილეობდა ხელნაწერი ჟურნალის "შხეფის" გამოცემაში. სტუდენტობიდანვე თანამშრომლობდა ჟურნალ-გაზეთებთან, აქვეყნებდა სამეურნეო და საყოფაცხოვრებო ხასიათის კორესპონდენციებს, ლიტერატურულ-კრიტიკულ და მეთოდურ წერილებს, რეცენზიებს, ბიოგრაფიულ ნარკვევებს, თარგმანებს (თარგმნიდა პუშკინს) და სხვ. 

წყარო: ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.884

• მხატვრული ნაწარმოები და მისი ანალიზი (ავტორი). - თბილისი, განათლება, 1986. - 103გვ.
• მხატვრული ნაწარმოების გარჩევა : მეთოდ. სახელმძღვ. მასწავლებელთათვის (ავტორი). - სოხუმი, აფსახელგამი, 1947. - 53გვ.
• ეგნატე ნინოშვილი : ცხოვრება და შემოქმედება (ავტორი). - თბილისი, 1940. - 115გვ.
• წერითი მეტყველების სახეები ქართულ ენასა და ლიტერატურაში (ავტორი). - თბილისი, დაწყებითი და საშუალო სკოლის სახელმწიფო სამეცნიერო-საკვლევო ინსტიტუტის გამომცემლობა (ზარია ვოსტოკა-ს სტამბა), 1934. - 64გვ.