თენგიზ ლაშხი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი მეტეოროლოგია-კლიმატოლოგიის სპეციალობით 1958 წელს.

1959 წლიდან მუშაობდა ვახუშტი ბაგრატიონის სახელობის გეოგრაფიის ინსტიტუტში ჯერ უფროს ლაბორანტად, 1960 წლიდან უმცროს მეცნიერ თანამშრომლად; 1961 წლიდან უფროს ინჟინრად; 1983 წლიდან წამყვან ინჟინრად, ხოლო 1983 წელს დაინიშნა დაბა სიონის (თიანეთის რ-ნი) გეოგრაფიის ინსტიტუტის სამეცნიერო სტაციონარის ხელმძღვანელის თანამდებობაზე. მონაწილეობდა ინსტიტუტის გლაციოლოგიურ ექსპედიციებში. გამოქვეყნებული აქვს 10-მდე სამეცნიერო ნაშრომი.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.168