ვ. დორელი

1883-1889წწ. იყო მეჩექმის შეგირდი. 1889 წელს სხვებთან ერთად დააარსა არალეგალური ხელნაწერი ჟურნალი "მუშა" (ამ ჟურნალს გამოცემდა მუშა-ხელოსანთა ხალხოსანთა ჯგუფი, წერდა ლითოგრაფიული სახელოსნოს შეგირდი მ. მეტეხელი, თანამშრომლები იყვნენ : ვასო ყულიჯანაშვილი, ტატო ქუბიაშვილი-რუისელი და სხვ.). ჟურნალი აშუქებდა მუშების, ხელოსნებისა და გლეხების უუფლებო მდგომარეობას და ებრძოდა არსებულ სოციალ-პოლიტიკურ წყობილებას. 1889 წელს გამოვიდა 4 ნომერი, 1890 წელს 4 ნომერი და 1891 წელს 2 ნომერი (ჟურნალის სრული კომპლექტი ინახება დიდი ბრიტანეთის მუზეუმში). ვ. დორელი ამ ჟურნალში ბეჭდავდა ლექსებს, წერილებს და სხვ. წარმოშობით იყო დუშეთიდან. ხელოსანი, პროპაგანდისტ-ჟურნალისტი, ხალხოსანი.

წყარო: ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.887