არველოდ ლემონჯავა

დაბადების ადგილი: სოფელი თაგილონი, გალის რაიონი.

დაამთავრა სოხუმის სახელმწიფო პედაგოგიური ინსტიტუტი გეოგრაფიის სპეციალობით 1953 წელს.

მუშაობა დაიწყო სოფელ თაგილონის რვაწლიან სკოლაში გეოგრაფიის მასწავლებლად; 1954 წლიდან მიიწვიეს სოხუმის სახემწიფო პედაგოგიური ინსტიტუტის გეოგრაფიის კათედრაზე ლაბორანტად. 1957-1960წწ. ასპირანტურის კურსი გაიარა ვახუშტი ბაგრატიონის სახელობის გეოგრაფიის ინსტიტუტში ეკონომიკური გეოგრაფიის სპეციალობით აკად. ალ. ჯავახიშვილისა და პროფ. გ. გველესიანის ხელმძღვანელობით. 1959 წლიდან კითხულობდა ლექციების კურსს საზღვარგარეთის ქვეყნების სოციალურ-ეკონომიკურ გეოგრაფიაში, მოსახლეობის გეოგრაფიაში, გეოგრაფიის კვლევის მეთოდიკაში, გეოგრაფიის ისტორია და მეთოდოლოგიაში, ბუნებრივი რესურსების გეოგრაფიასა და სხვ. 1979 და 1983 წლებში გაიარა მოსკოვის მ. ლომონოსოვის სახელობის სახელმწიფო უნივერსიტეტში კვალიფიკაციის ამაღლების კურსები ეკონომიკურ გეოგრაფიაში და საზღვაგარეთის ეკონომიკურ და პოლიტიკურ გეოგრაფიაში. გამოქვეყნებული აქვს სამეცნიერო ნაშრომები, რომლებიც ეხება აფხაზეთის ბუნებრივი რესურსების, რეკრეაციული და სოფლის მეურნეობის გეოგრფიის საკითხებს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.169