გრიგოლ ლოლაძე

დაბადების ადგილი: ქ. გორი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი გეოგრაფიის სპეციალობით 1938 წელს.

ჯერ კიდევ 1928 წელს მუშაობა დაიწყო თბილისის ობსერვატორიაში. სხვადასხვა დროს მუშაობდა ტექნიკოსად, მაღალმთიანი მეტეოსადგურების უფროსად, მეტეოროლოგიის ქსელის და თბილისის ობსერვატორიის გამგედ (1930-1939). 1941-1945წწ. მეორე მსოფლიო ომში მონაწილეობდა კაპიტნის ჩინით; 1964 წელს არჩეულ იქნა საქართველოს მეცნიერებათა აკადემიის მეცნიერების ისტორიის ეროვნული ასოციაციის სწავლულ მდივნად. გამოქვეყნებული აქვს 12 სამეცნიერო ნაშრომი, რომლებიც ეხება საქართველოში მეტეოროლოგიისა და კლიმატოლოგიის განვითარების ისტორიას. მიღებული აქვს პოლონეთის აკადემიის კოპერნიკის ბრინჯაოს მედალი, შილერის ბრინჯაოს მედალი, გერმანიის დემოკრატიული რესპუბლიკის ოქროს მედალი. გეოგრაფიულ მეცნიერებათა კანდიდატი.

საკანდიდატო დისერტაციის თემა - "მეტეოროლგია-კლიმატოლოგიის ცოდნის დონე ძველ საქართველოში ზოგიერთი ლიტერატურული ძეგლის მიხედვით", დაიცვა 1966 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.173; საქართველო: ენციკლოპედია: ტ.5. -თბ.,2023. -გვ.409

• საპატიო ნიშნის ორდენი