გიორგი ლომინაძე

დაბადების ადგილი: ქ. მოსკოვი.

დაამთავრა თბილისის სახელმწიფო უნივერსიტეტის ფიზიკის  ფაკულტეტი 1974 წელს; გეოგრაფია-გეოლოგიის ფაკულტეტი გეომორფოლოგიის სპეციალობით 1978 წელს. 1978-1981წწ. ვახუშტი ბაგრატიონის სახელობის გეოგრაფიის ინსტიტუტში გაიარა ასპირანტურის კურსი.

1997-2001წწ. საქართველოს მეცნიერებათა აკადემიის ვახუშტი ბაგრატიონის სახელობის გეოგრაფიის ინსტიტუტის ეგზოდინამიკური პროცესების შემსწავლელი ლაბორატორიის უფროსი მეცნიერ-თანამშრომელი; 2001-2006წწ. - ვახუშტი ბაგრატიონის გეოგრაფიის ინსტიტუტის ზღვის სანაპირო ზონის პროცესების შემსწავლელი ჯგუფის უფროსი მეცნიერ-თანამშრომელი; 2006-2009წწ. ვახუშტი ბაგრატიონის გეოგრაფიის ინსტიტუტის ფიზიკური გეოგრაფიის განყოფილების უფროსი მეცნიერ-თანამშრომელი; 2009 წლიდან ვახუშტი ბაგრატიონის გეოგრაფიის ინსტიტუტის ფიზიკური გეოგრაფიის განყოფილების ხელმძღვანელი. 2005-2010წწ. თბილისის სახელმწიფო უნივერსიტეტის ფიზიკური გეოგრაფიის და გარემოს დაცვის კათედრა, სამაგისტრო კურსის ხელმძღვანელი: უახლესი ტენდენციები გეოგრაფიაში; გარემო და მდგრადი სისტემები. მისი კვლევის ძირითადი ობიექტია კოლხეთის ზღვის სანაპირო ზონაში მიმდინარე მორფოდინამიკური პროცესები, ასევე, საქართველოს მთიანი რეგიონების გეოეკოლოგიური კვლევის ასპექტები. სამეცნიერო მივლინებით იმყოფებოდა აშშ-ში, ბრაზილიაში, ჩინეთში და სხვ. სამეცნიერო ნაშრომები: 2 მონოგრაფია, 37 სტატია (აქედან ქართულად - 11, რუსულად - 17, ინგლისურად - 9). გეოგრაფიულ მეციერებათა კანდიდატი.

საკანდიდატო დისერტაციის თემა - "შავი ზღვის კოლხეთის სანაპიროს მორფოდინამიკა", დაიცვა 1997 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.175; თბილისის სახელმწიფო უნივერსიტეტი: geography.tsu.ge

• გეოგრაფია გლობალურ კონტექსტში: მიღწევები და გამოწვევები=Geography in Global Context: Achievements and Challenges : შრომათა კრებული (თანაავტორი). - ქუთაისი, აკაკი წერეთლის სახელმწ. უნ-ტის გამ-ბა, 2017. - 490გვ. . - ISBN: 9789941904325
• ჭიათურის მუნიციპალიტეტის სასმელი წყლის მონიტორინგი=Chiatura municipality drinking water monitoring : მონოგრაფია (რედაქტორი). - თბილისი, უნივერსალი, 2017. - 144გვ.. - ISBN: 9789941260421
• კლიმატის ცვლილებასთან ადაპტაციის გზამკვლევი (თანაავტორი). - თბილისი, შპს "ქოლორი", 2016. - 266გვ. . - ISBN: 9789941086755
• წყალტუბოს მღვიმური სისტემა (თანაავტორი). - თბილისი, გეოგრაფიის ინ-ტი, 2009. - 72გვ.. - ISBN: 9789941906350