შალვა კერესელიძე

დაბადების ადგილი: სოფელი უწერა, ახლანდელი ონის მუნიციპალიტეტი.

დაამთაერა საქართველოს სასოფლო-სამეურნეო ინსტიტუტის მექანიზაციის ფაკულტეტი 1937 წელს.  ჩაირიცხა მოსკოვის სოფლის მეურნეობის მექანიზაციისა და ელექტიფიკაციის სასწავლო ინსტიტუტში ასპირანტად.

1941 წლის ივნისში ომის დაწყებიდან მეორე დღესვე გაიწვიეს არმიაში. მონაწილეობდა კავკასიისა და ჩრდილო-დასავლეთის ფრონტების ბრძოლებში მაიორის წოდებით. მძიმედ დაჭრის მემდეგ 1943 წლის მაისიდან იგი გაათავისუფლეს არმიიდან. 1943-1949წწ. მუშაობდა სა­ქართველოს სასოფლო-სამეურნეო ინსტიტუტში; 1949-1954წწ. ჩაისა და სუბტროპიკული კულტურების მანქანების სპეციალური საკონსტრუქტორო ბიუროს უფროსად; 1955-1962წწ. სა­ქართველოს სუბტროპიკული მეურნეობის ინსტიტუტის პრორექტორად; 1962-1971წწ. იყო სა­ქართველოს სოფლის მეურნეობის მექანიზაციისა და ელექტრიფიკაციის ინსტიტუტში დირექტორის მო­ად­გი­ლე და პრობლემური ლაბორატორიის უფროსი; 1971-1975წწ. სამთო მიწათმოქმედებისა და სუბტროპიკული კულტურების მანქანების სამეცნიერო და საკონსტრუქტორო-ტექნოლოგიური ინსტიტუტის დირექტორი და გენერალური კონსტრუქტორი; 1975 წლიდან სა­ქართველოს სოფლის მეურნეობის მექანიზაციის და ელექტრიფიკაციის ინსტიტუტში ხელმ­ძღვა­ნე­ლობ­და ჩაისა და სუბტროპიკული კულტურების მანქანების სამეცნიერო-კვლევით და საკონსტრუქტორო ტექ­ნოლოგიების ლაბორატორიას; მისი ძირითადი შრომები ეხება ჩაისა და სუბტროპიკული კულტურების მექანიზაციას. იყო ონისა და ლაითურის საპატიო მოქალაქე, ჰქონდა საკავშირო გამოფენის 2 ოქროს და ვერცხლის მედალი, გამოქვეყნებული 300- მდე მეცნიერული შრომა და 105 საავტორო მოწმობა. ტექნიკის მეცნიერებათა დოქტორი (1960), პროფესორი (1962); ინჟინერ-მექანიზატორი, კონსტრუქტორი.

წყარო: საქართველო: ენციკლოპედია: ტ. IV. -თბ., 2018.-გვ. 630; geworld.ge; ომგადახდილი მეცნიერები : საგამომცემლო ცნობები. კრებული / შემდგ.: გრიგოლ ბრეგაძე. - თბ., 2000. გვ. 56-57

• სა­ქართველოს სოფლის მეურნეობის მეცნიერებათა აკადემია, ნამდვილი წევრი (1992-)
• საქართველოს სასოფლო-სამეურნეო მეცნიერებათა აკადემია, საპატიო აკადემიკოსი

• 1992 - კონსტანტინე ამირაჯიბის სახელობის პრემია
  ნაშრომისთვის "სამთო მიწათმოქმედებისა და სუბტროპიკული კულტურების მექანიზაცია"
• 1971 - სოციალისტური შრომის გმირი
• 1967 - ლენინური პრემია (სპეციალისტების ჯგუფთან ერთად)
  ჩაის საკრეფი მანქანის "სა­ქარ­თვე­ლოს" შე­ქმნისა და წარმოებაში დანერგვისთვის
• 1962 - სა­ქართველოს მეცნიერებისა და ტექნიკის დამსახურებული მოღვაწე
• 1961 - სა­ქარ­თვე­ლოს დამსახურებული გამომგონებელი
• საპატიო ნიშნის ორდენი
• ლენინის ორდენი (2 ორდენი)
• სამამულო ომის II ხარისხის ორდენი

• Механизация горного земледелия и субтропических культур : Теория и расчет (თანაავტორი). - Тбилиси, Ганатлеба, 1988. - 558
• Все о пользе чая (ავტორი). - Тбилиси, Сабчота Сакартвело, 1984. - 40с.
• მეჩაიეობაში ხელით შრომის გამონთავისუფლება მექანიზაციის მობილურ საშუალებათა გამოყენებით (ავტორი). - თბილისი, 1981. - 20გვ.
• Современное состояние механизации процесса сбора чая и ее будущее (ავტორი). - Тбилиси, Сабчота Сакартвело, 1978. - 159с.
• Индустриальная технология возделывания, сбора, загрузки, выгрузки, транспортировки и переработки чайного листа (ავტორი). - Тбилиси, Сабчота Сакартвело, 1972. - 103 с.
• ახალი სასოფლო-სამეურნეო ტრაქტორები (თანაავტორი). - თბილისი, საბჭ. საქართველო, 1969. - 234გვ.
• Чаесборочная машина "Сакартвело" : Устройство и эксплуатация (თანაავტორი). - Тбилиси, Ганатлеба, 1968. - 99с.
• ჩაის მოვლა-მოყვანის სამუშაოთა კომპლექსური მექანიზაციის თანამედროვე მდგომარეობა და პერსპექტივები (ავტორი). - თბილისი, საბჭ. საქართველო, 1964. - 157გვ.