ნინო კვარაცხელია

დაბადების ადგილი: ქ. სო­ხუ­მი.

დაამთავრა სა­ქართველოს სასოფლო-სამეურნეო ინსტიტუტი 1935 წელს.

1947 წლიდან სა­ქართველოს სასოფლო-სამეურნეო ინსტიტუტის სუბტროპიკული კულტურების კათედრაზე ეწეოდა სამეცნიერო-პედაგოგიურ მოღვაწეობას; 1961 წლიდან იყო სა­ქართველოს ნიადაგმცოდნეობის, აგროქიმიისა და მელიორაციის სამეცნიერო-კვლევითი ინსტიტუტის იზოტოპების ლაბორატორიის გამგე; სა­ქარ­თვე­ლო­ში მისი ხელმძღვანელობით დამუშავდა სტაბილური და რადიოაქტიური იზოტოპების გამოყენების თეორიული და პრაქტიკული საკითხები ნიადაგმცოდნეობაში; მან შეისწავლა სა­ქარ­თვე­ლო­ში ბუნებრივი რა­დიონუკლიდების მიგრაციის საკითხები; გამოიკვლია კოლხე­თის დაბლობის წყლების გენეზისისა და ნიადაგის ჰუმუსის ტრანსფორმაციის სპეციალური თავისებურებანი. ავტორია 4 სახელმძღვანელოსი, 2 მონოგრაფიის და სხვა. აგროქიმიკოს-ნიადაგმცოდნე, სოფლის მეურნეობის მეცნიერებათა დოქტორი (1956), პროფესორი (1969).

წყარო: საქართველო: ენციკლოპედია: ტ. IV. -თბ., 2018.-გვ. 651

• 1969 - სა­ქართველოს მეცნიერებათა დამსახურებული მოღვაწე

• სუბტროპიკული მეხილეობა (ავტორი). - თბილისი, სახელგამი, 1949. - 264გვ.