იური ქადარია

დაბადების ადგილი: სოფელი ნორიო, აბაშის რაიონი.

დაამთავრა ბათუმის საზღვაოსნო სასწავლებელი გემთწამყვანის სპეციალობით 1969 წელს; სამხედრო ოფიცრის წოდების მიღების მიზნით 1969-1970 წწ. სტაჟირებას სამხედრო-საზღვაო ფლოტის ხომალდებზე გადიოდა; 1980-1981 წწ. სწავლობდა და გაიარა ინგლისური ენის შემსწავლელი სპეცკურსი ქალაქ ოდესაში.

1963 წელს აბაშის საშუალო სკოლის დასრულებისთანავე მუშაობა დაიწყო  ფოთის პორტში საზღვაო ნავსადგურის ბუქსირ "ორშა"-ს ზეინკლად და მოტორისტად; 1970 წელს მან საქმიანობა და ზღვაში ცურვა საქართველოს საზღვაო სანაოსნოს ტანკერებზე - «Эвенск»-სა და «Алексеевка»- ზე დაიწყო მატროსად, 1970-1976 წწ. კი კაპიტნის მეოთხე, მესამე და მეორე თანაშემწედ ცურავდა ჩვენი სანაოსნოს გემებზე - «Поти», «Чкалов»-სა და «Бугульма»-ზე; 1976 წელს სასწავლებლად ჩაირიცხა ნოვოროსიისკის უმაღლესი საზღვაო-საინჟინრო სასაწავლებლის (НВИМУ) გემთწამყვანობის ფაკულტეტის დაუსწრებელ განყოფილებაზე, პარალელურად კი ტანკერების -«Фридрих Энгельс», «Алексеевка», «Александр Цулукидзе»-სა და «Цезарь Куников»-ის კაპიტნის უფროსი თანაშემწე იყო; 1980 წლიდან კი ტანკერ «Цезарь Куников»-ის კაპიტნი გახდა; 1986 წელს, საზღვაო ფლოტის სამინისტროს კოლეგიის გადაწყვეტილებით შორეული ნაოსნობის ყველა ტიპისა და სიდიდის გემების კაპიტნად დაამტკიცეს; 1988 წელს, მან ხელი მოაწერა მიღების აქტს და ხორვატეთში, სპლიტის გემთსაშენი «Split Shipyard»-ში ჩაიბარა საქართველოს საზღვაო სანაოსნოს ახალი ხომალდი, ტანკერი - «Академик Узнадзе»; მოგვიანებით ამ გემზე საქმიანობისას მიღწეული შედეგებისათვის სანაოსნოს ფლოტის საუკეთესო კაპიტნის წოდებაზეც იყო წარდგენილი; 1980-1999 წწ. შორეული ნაოსნობის კაპიტანი ი. ქადარია საქართველოს საზღვაო სანაოსნოსა და სხვადასხვა ერთობლივი კომპანიების არაერთი გემის («Medea», «Gonio», «Poti», «Uznadze», «Vekua») ეკიპაჟს მეთაურობდა; 1999-2004 წწ. როგორც შორეული ნაოსნობის კაპიტანი თანამშრომლობდა ისეთ ავტორიტეტულ საერთაშორისო სანაოსნო კომპანიებთან, როგორებიცაა «Columbia Shipmanagement», « St.Mary», «Ilia», «Nata», «Allseas Marine S.A.», «Sun» (2005), «Paul Gilmore» (2005) და სხვა. 2009-2014 წწ. იყო კაპიტანი «Columbia Shipmanagement»-ის გემებზე: «Petrolina», «Petrolina Ocean», «Baltic Adonia 1», «Cape Daly» და სხვა; 2014 წლიდან ეწევა პედაგოგიურ საქმიანობას ბათუმის უმაღლეს საზღვაო-საინჟინრო სასწავლებელ "ანრი"-ში და ბათუმის სახელმწიფო საზრვაო აკადემიაში. შორეული ნაოსნობის კაპიტანი.

წყარო: პაატა ტაბაღუას საავტორო გვერდი: "საქართველო საზღვაო ქვეყანაა": facebook.com