გიორგი მეტრეველი

დაბადების ადგილი: ქ. ბათუმი.

1958 წელს სწავლა დაიწყო ბათუმის პედაგოგიურ ინსტიტუტში ფიზიკა-მათემატიკის ფაკულტეტზე, ხოლო 1960 წლიდან თბილისის სახელმწიფო უნივერსიტეტის გეოგრაფია-გეოლოგიის ფაკულტეტზე, რომელიც დაამთავრა ინჟინერ-ჰიდროლოგის კვალიფიკაციით 1965 წელს.

1964-1966წწ. მუშაობდა ჰიდრომეტეოროლოგიური სამმართველოს სამგორის სადგურის ინჟინრად; 1966-1968წწ. გაიარა ასპირანტურის კურსი; 1966 წლიდან თბილისის სახელმწიფო უნივერსიტეტის ხმელეთის ჰიდროლოგიისა და ნიადაგთმცოდნეობის კათედრის ასისტენტია; 1970-1971 წწ. გეოგრაფია-გეოლოგიის ფაკულტეტის დეკანის მოადგილე; 1970 წელს აირჩიეს კათედრის დოცენტად; 1996 წელს არჩეულია მეტეოროლოგია-ოკეანოლოგიის კათედრის პროფესორად. გამოქვეყნებული აქვს 100-მეტი სამეცნიერო ნაშრომი. გეოგრაფიულ მეცნიერებათა დოქტორი, პროფესორი (1996).

საკანდიდატო დისერტაციის თემა - "აღმოსავლეთ საქართველოს სეზონური რეგულირების წყალსაცავების ჰიდროლოგიური რეჟიმი", დაიცვა 1970 წელს; სადოქტორო დისერტაციის თემა - "მსოფლიო ოკეანის თანამედროვე ევსტაზია და ზღვისპირა რეგიონების ევსტატური პრობლემები", დაიცვა 1995 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.195-196

• კლიმატის თანამედროვე გლობალური დათბობის გავლენა საქართველოს ზღვის სანაპირო ზონაზე : მონოგრაფია (თანაავტორი). - თბილისი, თსუ, საქ. გეოგრაფ. საზ-ბა, 1999. - 75გვ.
• საზღვაო ჰიდრომეტრია : სახელმძღვ. (ავტორი). - თბილისი, თბილ. უნ-ტის გამ-ბა, 1997. - 236გვ.