ალექსანდრე მოწერელია

დაბადების ადგილი: ქ. ფოთი.

დაამთავრა თბილისის სუბტროპიკული კულტურების საკავშირო ინსტიტუტი აგრონომის სპეციალობით 1931 წელს.

1932-1938წწ. მუშაობდა კოლხეთის მელიორაციისა და სუბტროპიკული კულტურების საცდელ სადგურში ნიადაგთმცოდნედ; 1938-1939წწ. იყო საბჭოთა არმიის კურსანტი; 1939-1940წწ. ფოთის ჰიდრომელიორაციის ტექნიკუმის დირექტორის მოადგილე სასწავლო დარგში; 1940-1942წწ. კოლხეთის მელიორაციისა და სუბტროპიკული კულტურების საცდელ სადგურში უფროსი მეცნიერ თანამშრომელია; 1942-1945წწ. ფოთის ჰიდრომელიორაციის ტექნიკუმის დირექტორი; 1945-1972წწ. იყო ჩაისა და სუბტროპიკული კულტურების საკავშირო სამეცნიერო-კვლევითი ინსტიტუტის კოლხეთის ფილიალის დირექტორი; 1972-1978წწ. მუშობდა საქართველოს სუბტროპიკული მეურნეობის ინსტიტუტის ნიადაგთმცოდნეობისა და მელიორაციის კათედრის გამგედ; 1978 წლიდან ტრესტ "კოლხიდმშენის" სამშენებლო ლაბორატორიის გამგეა; 1980 წლიდან მუშაობდა ვახუშტი ბაგრატიონის სახელობის გეოგრაფიის ინსტიტუტში კოლხეთის თემატური ჯგუფის ხელმძღვანელად და წამყვან მეცნიერ თანამშრომლად. 1936-1965წწ. ეწეოდა პედაგოგიურ მოღვაწეობას პოლიტექნიკურ ინსტიტუტში; 1953-1955წწ. - ქუთაისის სასოფლო-სამეურნეო ინსტიტუტში; 1972-1978წწ. - საქართველოს სუბტროპიკული მეურნეობის ინსტიტუტში. ავტორია 70-ზე მეტი სამეცნიერო ნაშრომისა, რომლებიც ეხება კოლხეთის დაბლობის მელიორაციასა და სასოფლო-სამეურნეო ათვისებას. მიღებული აქვს სახელმწიფო ჯილდოები, მათ შორის საქართველოს უმაღლესი საბჭოს პრეზიდიუმის საპატიო სიგელი (1961, 1967, 1970). სოფლის მეურნეობის მეცნიერებათა დოქტორი, პროფესორი (1976).

საკანდიდატო დისერტაციის თემა - "კოლმატაჟი და კოლხეთის კოლმატური ნიადაგების ფორმირება, დაიცვა 1948 წელს; სადოქტორო დისერტაციის თემა - "კოლხეთის დაბლობის ნიადაგები, მათი მელიორაცია და სასოფლო-სამეურნეო ათვისება", დაიცვა 1967 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.198-199

• 1971 - შრომის წითელი დროშის ორდენი
• 1961 - შრომის წითელი დროშის ორდენი

• კულტურ. ტექნიკა და აგრომელიორაცია კოლხეთის დაბლობის დაშრობილ მიწებზე (ავტორი). - თბილისი, საბჭ. საქართველო, 1986. - 186გვ.
• Мелиорация и сельскохозяйственное освоение Колхидской низменности (ავტორი). - Москва, Колос, 1974. - 304с.