ალიოშა კოტრიკაძე

დაბადების ადგილი: ქ. თბილისი.

ფეხბურთის თამაში დაიწყო 1946 წელს თბილისის 35-ე საფეხბურთო სკოლაში მწვრთნელ არჩილ კიკნაძესთან. თამაშობდა თბილისის "სპარტაკში" (1951) და თბილისის "დინამოში" (1952–1959). "დინამოს" შემადგენლობაში საკავშირო ჩემპიონატების 116 მატჩი ჩაატარა და თერთმეტჯერ აიღო მეტოქეთა კარი; დინამოელთა მაისურით საკავშირო თასის ექვს მატჩში დაიცვა გუნდის ღირსება; ამას გარდა, თბილისელთა რიგებში 24 საერთაშორისო შეხვედრაში მიიღო მონაწილეობა და სამი ბურთი გაიტანა; გუნდთან ერთად იყო საკავშირო ჩემპიონატების ვერცხლისა (1953) და ბრინჯაოს (1959) მედლების მფლობელი; 1961 წლიდან სამწვრთნელო სამუშაოზეა; 1961, 1963–1965 და 1984–1986 წლებში იყო თბილისის "დინამოს" გუნდის მწვრთნელი; 1966 და 1973 წლებში "დინამოს" მთავარი მწვრთნელი; 1967 წელს გორის "დილას", 1968–1969 წლებში რუსთავის "მეტალურგს", ხოლო 1970 წელს ქუთაისის "ტორპედოს" ედგა სათავეში; 1973 წელს მისი ხელმძღვანელობით თბილისის "დინამო" საერთაშორისო ამხანაგური საფეხბურთო ტურნირის ე. წ. "კარაველას თასის" - ტროფეო კოლომბინოს (ესპ. Trofeo Colombino de fútbol) გამარჯვებული ხდება, თბილისის დინამოელები ლისაბონის "ბენფიკას" ანგარიშით 3-1 ამარცხებენ, "კარაველას თასს" ეუფლებიან და კლუბის არსებობის ისტორიაში პირველად ხდებიან ასეთი წარმომადგენლობითი ე.წ. "ოთხთა ტურნირის" გამარჯვებულები; 1980–1981წწ. და 1987 წლებში წვრთნიდა ლანჩხუთის "გურიას"; 1988-1989წწ. თბილისის "შევარდენის" მთავარ მწვრთნელად მუშაობდა. არის საბჭოთა კავშირის საფეხბურთო ჩემპიონატის ვიცე-ჩემპიონი (1953), საბჭოთა კავშირის საფეხბურთო ჩემპიონატის ბრინჯაოს პრიზიორი (1959), კარაველას თასის მფლობელი (1973). ქართველი და საბჭოთა ფეხბურთელი და ფეხბურთის მწვრთნელი. ფეხბურთელ სერგო კოტრიკაძის უფროსი ძმა.

• 1997 - ღირსების ორდენი
  საქართველოში ფეხბურთის განვითარებაში შეტანილი დიდი წვლილისა და ახალგაზრდა სპორტსმენთა აღზრდის საქმეში მნიშვნელოვანი დამსახურებისათვის
• 1966 - საქართველოს დამსახურებული მწვრთნელი
• 1959 - სსრკ სპორტის ოსტატი