ირინე ნაჭყებია

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი ეკონომიკური გეოგრაფიის სპეციალობით 1977 წელს. 1977-1983წწ. ეკონომიკური გეოგრაფიის კათედრაზე გაიარა ასპირანტურის კურსი.

1982-1983წწ. მუშაობდა ეკონომიკური გეოგრაფიის კათედრაზე უმცროს მეცნიერ-თანამშრომლად. 1983 წლიდან მუშაობს გ. წერეთლის სახელობის აღმოსავლეთმცოდნეობის ინსტიტუტში, ჯერ სამეცნიერო ინფორმაციის, შემდეგ ახლო აღმოსავლეთის ქვეყნების ახალი და უახლესი ისტორიის განყოფილებაში; 1996 წლიდან თანამშრომლობს საფრანგეთის სამეცნიერო კვლევის ნაციონალური ცენტრის (CNRS) "ირანული სამყაროს" კვლევით პროგრამებში; 1996-2002წწ. სამეცნიერო მივლინების დროს, პარიზის არქივებსა და ბიბლიოთეკებში მოიძია დღემდე უცნობი მასალები 1804-1810წწ. საფრანგეთ-ირანის დიპლომატიურ ურთიერთობებსა და მასში საქართველოს მნიშვნელობის შესახებ. 2001-2003წწ. მონაწილეობდა INTAS-ის გაერთიანებული საერთაშორისო ჯგუფის სამეცნიერიო პროექტში - თბილისი XIX საუკუნეში: ისტორია, კულტურა. 1991-1999წწ. ეწეოდა პედაგოგიურ საქმიანობას, კითხულობდა ლექციებს თბილსიის აზიისა და აფრიკის ინსტიტუტსა და თბილისის სახელმწიფო უნივერსიტეტის აღმოსავლეთმცოდნეობის ფაკულტეტზე. გამოქვეყნებული აქვს სამეცნიერო ნაშრომები. ისტორიის მეცნიერებათა დოქტორი.

საკანდიდატო დისერტაციის თემა - "ამედე ჟობერის ნაშრომი "მოგზაურობა სომხეთსა და სპარსეთში 1805-1806წწ., როგორც წყარო XIX საუკუნის დასაწყისის მახლობელი აღმოსავლეთის ქვეყნების ისტორიისათვის", დაიცვა 1990 წელს; სადოქტორო დისერტაციის თემა - "საფრანგეთ-ირანის დიპლომატიური ურთიერთობა 1804-1810 წლებში (ფრანგული წყაროებისა და საარქივო მასალის მიხედვით)", დაიცვა 2003 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.204-205

• ნაპოლეონის დიპლომატიური მისიები ირანში და საქართველოს საკითხი : XIX საუკუნის პირველი ათწლეული (ავტორი). - თბილისი, მწიგნობარი, 2018. - 364გვ.. - ISBN: 9789941473517
• ორიენტალისტური ძიებანი=Studia Orientalia : კრებული (თანაავტორი). - ქუთაისი, აკაკი წერეთლის სახელმწ. უნ-ტის გამ-ბა, 2018. - 352გვ.. - ISBN: 9789941417092
• აღმოსავლეთსა და დასავლეთს შორის=Between East and West : ირანელი და ფრანგი ავტორები მე-19 საუკუნის საქართველოს შესახებ: [კრებული] (თანაავტორი). - თბილისი, ილიას სახელმწ. უნ-ტი, 2018. - 392გვ. . - ISBN: 9789941182990
• ნარკვევები საფრანგეთ-ირანის დიპლომატიური ურთიერთობის ისტორიიდან (XIX საუკუნის დასაწყისი) (ავტორი). - თბილისი, ენა და კულტურა, 2002. - 168გვ.
• მოგზაურობა სომხეთსა და სპარსეთში 1805-1806 წლებში (მთარგმნელი). - თბილისი, მეცნიერება, 1997. - 288გვ.
• ამუდე ჟობერის ცნობები ჯანიკის 1805 წლის აჯანყების შესახებ (ავტორი). - თბილისი, საქ. მეცნ. აკად., აღმოსავლეთმცოდნ. ინ-ტი, 1990. - 11გვ.