რუსლან დიასამიძე

დაბადების ადგილი: ქ. ბათუმი.

დაამთავრა ბათუმის სახელმწიფო საზღვაო აკადემია ინჟინერ-გემთწამყვანის სპეციალობით 2005 წელს; საზღვაო-ტრანსპორტის მენეჯმენტის, ინჟინერ-ეკონომისტის სპეციალობით 2006 წელს. 
სწავლის პარალელურად შრომით საქმიანობას ჯერ ბათუმის საზღვაო-სავაჭრო ნავსადგურის დოკერ-მექანიზატორად შეუდგა, 2002 წლიდან კი საზღვაო-საწვრთნელი ცენტრის მეთოდისტად განაგრძო; 2005 წელს რ. დიასამიძე პარტნიორებთან ერთად ბათუმის საზღვაო-საწვრთნელ ცენტრ "ანრი"-ს ერთ-ერთი დამფუძნებელი გახდა, 2005-2007 წწ. კი ზღვაში, შორეულ ნაოსნობაში იმყოფებოდა და ჯერ კაპიტნის მესამე, შემდეგ კი მეორე თანაშემწის, შორეული ნაოსნობის შტურმანის საპასუხისმგებლო მოვალეობებს ასრულებდა; ზღვიდან დაბრუნების შემდეგ მთელი მისი მოღვაწეობა ქართულ საზღვაო-საგანმანათლებლო სფეროში საქმიანობას უკავშირდება; თეორიული ცოდნის გასაღრმავებლად და ფუნდამენტური განათლების მისაღებად რ. დიასამიძემ  2010-2014 წწ. საქართველოს ტექნიკური უნივერსიტეტის სატრანსპორტო და მანქანათმშენებლობის ფაკულტეტის დოქტორანტურაში სადოქტორო პროგრამა გაიარა და 2016 წელს ტექნიკურ მეცნიერებათა დოქტორის აკადემიური ხარისხი მიენიჭა; იმავდროულად  იგი სხვადასხვა დროს არაერთ საპასუხისმგებლო პოზიციაზე საქმიანობდა ბათუმის უმაღლეს საზღვაო-საინჟინრო სასწავლებელ "ანრი"-ში: 2007-2009 წწ. სამეურნეო მიმართულების მენეჯერად; 2009-2012 წწ. გენერალური დირექტორის პირველ მოადგილედ საერთო საკითხებში; 2012-2018 წწ. ადმინისტრაციის უფროსად, ხარისხის განვითარებისა და უზრუნველყოფის სამსახურის ხელმძღვანელად, პრორექტორად სასწავლო დარგში; 2018 წლიდან კი არის ბათუმის უმაღლესი საზღვაო-საინჟინრო სასწავლებელ "ანრი"-ს  რექტორი. არაერთი საერთაშორისო ფორუმისა და სემინარის მონაწილე, დაჯილდოებულია ორდენით "ეკონომიკის ვარსკვლავი" (2016), მედლითა და ორდენით "პროფესიული დამსახურებისათვის", საპატიო დიპლომით "საქმიანი და წარმატებული ადამიანები" განათლების სფეროში შეტანილი წვლილისათვის. ინჟინერ-გემთწამყვანი, შორეული ნაოსნობის შტურმანი, ტექნიკურ მეცნიერებათა დოქტორი (2016).

წყარო: პაატა ტაბაღუას საავტორო გვერდი: "საქართველო საზღვაო ქვეყანაა": facebook.com