კლიმენტ ნოდია

დაბადების ადგილი: სოფელი ძველი აბაშა, აბაშის მუნიციპალიტეტი.

დაამთავრა თბილისის სახელმწიფო უნივერსიტეტის საბუნებისმეტყველო ფაკულტეტი გეოგრაფიის პროფილით 1932 წელს.

მუშაობა დაიწყო სოფ. ძველ აბაშაში; 1934-1945წწ. მუშაობდა თბილისის მეორე ვაჟთა საშუალო სკოლაში; 1939-1948წწ. - ალექსანდრე პუშკინის სახელობის სახელმწიფო პედაგოგიურ ინსტიტუტში უფროს მასწავლებლად; 1945-1956წწ. გორის ნიკოლოზ ბარათაშვილის სახელობის პედაგოგიურ ინსტიტუტში უფროს მასწავლებლად; 1945 წლიდან, შეთავსებით, თბილისის ექსპერიმენტულ სკოლაში. გამოქვეყნებული აქვს 100-მდე მეთოდური ხასიათის წერილი და სახელმძღვანელო ყრუ-მუნჯი ბავშვებისათვის. მისი თაოსნობით გამოიცა სასწავლო გეოგრაფიული რუკები - ფიზიკური, გეოლოგიური, კლიმატური, ბოტანიკური და სხვ. მისი ინიციატივით დაიწყო სასწავლო გეოგრაფიული ატლასის შედგენა. უფროსი მასწავლებელი.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.211

• საქართველოს დამსახურებული მასწავლებელი