თენგიზ ნოზაძე

დაბადების ადგილი: სოფელი ბერძენაული, ქარელის რაიონი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი გეომორფოლოგიის სპეციალობით 1952 წელს.

განაწილებით მუშაობა დაიწყო წყალთა მეურნეობის სამინისტროს "საქწყალპროექტში", ინჟინერ-გეომორფოლოგის თანამდებობაზე. შემდეგში იმავე თანამდებობაზე მუშაობდა "სოიუზდორპროექტში", ხოლო ადგილობრივი მრეწველობის სამინისტროში - უფროსი გეოლოგის თანამდებობაზე. 1961 წლიდან მუშაობდა თბილისის სახელმწიფო უნივერსიტეტის გეომორფოლოგიის კათედრაზე. გამოქვეყნებული აქვს 50 სამეცნიერო ნაშრომი. მისი კვლევითი მუშაობა მიმართული იყო საქართველოს გეომორფოლოგიის გამოყენებითი მიზნით შესწავლაზე. კერძოდ, საქართველოს რელიეფის ათვისება და პრაქტიკული გამოყენება საინჟინრო ნაგებობათა მშენებლობაში და სოფლის მეურნეობის განვითარებაში. გეოგრაფიულ მეცნიერებათა კანდიდატი, თბილისის სახელმწიფო უნივერსიტეტის გეომორფოლოგია-გეოეკოლოგიის კათედრის დოცენტი.

საკანდიდატო დისერტაციის თემა - "კავკასიონის ჩრდილო-აღმოსავლეთ ფერდობის მაღალმთიანი ნაწილის გეომორფოლოგია", დაიცვა 1975 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.213