თამარ ყიფიანი

დაამთავრა თბილისის სახელმწიფო უნივერსიტეტი.

1931-1933წწ. მუშაობდა საქართველოს მწერალთა კავშირის ბიბლიოთეკის გამგედ (საქართველოს მწერალთა კავშირის არქივში ინახებოდა ცნობა, რომელიც ადასტურებდა რომ, თამარ გიორგის ასული ყიფიანი 1931-1933 წლებში მუშაობდა საქართველოს მწერალთა კავშირის ბიბლიოთეკის გამგედ). 1934 წლიდან ცხოვრობდა ლენინგრადში, სადაც სწავლობდა უცხო ენათა ინსტიტუტში და მუშაობდა აღმოსავლეთმცოდნეობის ინსტიტუტში კავკასიური ფონდების გამგედ. იყო ლენინგრადის ბლოკადის მონაწილე, მისი ჩანაწერები - "ბლოკადის რვეული" (თბ., 2010), მეორე მსოფლიო ომის უმძიმესი პერიპეტიების გარდა, შეიცავს ლიტერატურის ისტორიკოსებისა და ლიტერატორებისათვის მნიშვნელოვან ცნობებს. (1945 წელს დაქორწინდა ეპიფანე ვასაძეზე (1899-1987), პროფესიით ბიოლოგი, მუშაობდა თბილისის სახელმწიფო უნივერსიტეტში, სასოფლო-სამეურნეო და ზოოვეტერინარულ ინსტიტუტებში). თამარ ყიფიანმა ქართულად თარგმნა აპულეუსის "ოქროს ვირი", ლიონ ფოიხტვანგერის "გოია" და სხვ. პოეტ ივი (ივანე) ყიფიანის და.

წყარო: m.facebook.com

• გოია : რომანი (მთარგმნელი). - თბილისი, საქართველოს მაცნეს" გამ-ბა და სტ., 2013. - 600გვ.
• ბლოკადის რვეული : ლენინგრადის ბლოკადა (ავტორი). - თბილისი, პეგასი, 2010. - 100გვ.
• ოქროს ვირი : მეტამორფოზები (მთარგმნელი). - თბილისი, ლიტერატურა და ხელოვნება, 1963. - 283გვ.