ელენე სალუქვაძე

დაბადების ადგილი: ქ. თბილისი.

დაამთავრა თბილისის პედაგოგიური ინსტიტუტის საბუნებისმეტყველო ფაკულტეტი გეოგრაფია-ბიოლოგიის სპეციალობით 1982 წელს. 1986 წელს გაიარა ასპირანტურის კურსი ვახუშტი ბაგრატიონის სახელობის გეოგრაფიის ინსტიტუტში, სპეციალობა: -"ფიზიკური გეოგრაფია, ლანდშაფტების გეოფიზიკა და გეოქიმია".

1986-1993წწ. საქართველოს მეცნიერებათა აკადემიის ვახუშტი ბაგრატიონის სახელობის გეოგრაფიის ინსტიტუტის ფიზიკური გეოგრაფიის განყოფილების უმცროსი მეცნიერ-თანამშრომელი; 1993 წელს ლანდშაფტმცოდნეობის განყოფილების უფროსი მეცნიერ-თანამშრომელი; 1993-2006წწ. ფიზიკური გეოგრაფიის განყოფილების უფროსი მეცნიერ-თანამშრომელი, სამეცნიერო სემინარის სწავლული მდივანი; 2006-2012წწ. უფროსი მეცნიერ-თანამშრომელი, სამეცნიერო საბჭოს სწავლული მდივანი; 2012 წლიდან ვახუშტი ბაგრატიონის გეოგრაფიის ინსტიტუტის დირექტორის მოადგილე. 1993-1994წწ. თბილისის 6-ე გიმნაზიის გეოგრაფიის მასწავლებელი; 1998-2006წწ. თბილისის სულხან-საბა ორბელიანის სახელობის სახელმწიფო პედაგოგიური უნივერსიტეტის გეოგრაფიის კათედრის დოცენტი; 1999-2003წწ. - თბილისის სახელმწიფო უნივერსიტეტის სოხუმის ფილიალის გეოგრაფიის კათედრის დოცენტი; 2007-2011წწ. ილია ჭავჭავაძის სახელმწიფო უნივერსიტეტის მოწვეული ლექტორი; 2014 წლიდან თბილისის სახელმწიფო უნივერსიტეტის სოცალურ და პოლიტიკურ მეცნიერებათა ფაკულტეტის მოწვეული ლექტორი. გამოქვეყნებული აქვს სამეცნიერო ნაშრომები. გეოგრაფიის დოქტორი.

საკანდიდატო დისერტაციის თემა - "მსხვილი სამრეწველო ცენტრების საგარეუბნო ზონების ლანდშაფტურ-ეკოლოგიური ანალიზი რაციონალური ბუნებათსარგებლობის მიზნით (ქალაქების თბილისისა და რუსთავის მაგალითზე)", დაიცვა 1993 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.226; ვახუშტი ბაგრატიონის სახელობის გეოგრაფიის ინსტიტუტი: geography.tsu.ge

• ალ ჯავახიშვილის სახელობის საქართველოს გეოგრაფიული საზოგადოება , სამეცნიერო საბჭოს წევრი

• საქალაქო აგლომერაციების ლანდშაფტური დაგეგმარების მეთოდოლოგია: (თბილის-რუსთავის მაგალითზე) (თანაავტორი). - თბილისი, დანი, 2017. - 286გვ. . - ISBN: 9789941099380
• თიანეთის მუნიციპალიტეტის აგროკლიმატური პოტენციალი (თანაავტორი). - თბილისი, ივანე ჯავახიშვილის სახ. თბილისის სახელმწ. უნ-ტი, ვახუშტი ბაგრატიონის გეოგრაფიის ინ-ტი, 2016. - 116გვ. . - ISBN: 9789941090356
• ზოგადგეოგრაფიულ ტერმინთა ენციკლოპედიური ლექსიკონი (თანაავტორი). - თბილისი, თბილ. უნ-ტის გამ-ბა, 2014. - 447გვ.. - ISBN: 9789941133169
• თბილისის და მისი შემოგარენის ბუნებრივი გარემოს ტრანსფორმაცია (თანაავტორი). - თბილისი, პოლიგრაფი, 2008. - 158გვ.