მანანა სალუქვაძე

დაბადების ადგილი: სოფელი ლიხაური, ოზურგეთის რაიონი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი ინჟინერ-მეტეოროლოგის სპეციალობით 1974 წელს.

მუშაობა დაიწყო ჰიდრომეტეოროლოგიის ინსტიტუტში გლაციოლოგიის ლაბორატორიაში. გამოქვეყნებული აქვს სამეცნიერო ნაშრომები. მისი ნაშრომები ეხება თანამედროვე გლაციოლოგიურ საკითხებს, კერძოდ თოვლის ზვავების წარმოქმნის, რეჟიმისა და გავრცელების თავისებურებებს. მუშაობს საქართველოს ტერიტორიაზე თოვლის ზვავების რაოდენობრივი მახასიათებლების ცვალებადობის დადგენაზე, მოსახლეობის საშიში ზვავშემკრებების, ზვავსაშიში დასახლებული პუნქტებისა და სახალხო ობიექტების გამოვლენაზე. გლაციოლოგი, ჰიდრომეტეოროლოგიის ინსტიტუტის წყლის რესურსებისა და ჰიდროლოგიური პროგნოზების განყოფილების უფროსი მეცნიერ-თანამშრომელი, გეოგრაფიის აკადემიური დოქტორი.

საკანდიდატო დისერტაციის თემა - "კატასტროფული ზვავების გავრცელება საქართველოს ტერიტორიაზე და მათი მასიური ჩამოსვლის წინასწარმეტყველების მეთოდები".

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.227-228; tbilisi.media/persona

• საქართველოს თოვლის ზვავების კადასტრი (ავტორი). - თბილისი, საქ. ტექნ. უნ-ტის ჰიდრომეტეოროლოგიის ინ-ტი, 2018. - 154გვ. . - ISBN: 9789941808432
• თოვლის ზვავები საქართველოში (თანაავტორი). - თბილისი, საქ. ტექნ. უნ-ტის ჰიდრომეტეოროლოგიის ინ-ტი, 2015. - 170გვ. . - ISBN: 9789941084522
• კატასტროფული წყალდიდობები, ღვარცოფები და თოვლის ზვავები საქართველოში და მათი უსაფრთხოება : მონოგრაფია (თანაავტორი). - თბილისი, საქ. ტექნ. უნ-ტი, 2012. - 244გვ. . - ISBN: 9789941201202
• ზემო სვანეთის ზვავსაშიშროება (ავტორი). - თბილისი, სტუ-ს ჰიდრომეტეოროლ. ინ-ტი, 2011. - 67გვ. . - ISBN: 9789941036521