ლალი სანებლიძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი გეოგრაფიის სპეციალობით 1964 წელს; 1964-1967წწ. სწავლობდა თბილისის სახელმწიფო უნივერსიტეტის ასპირანტურაში.

1967 წელს მუშაობა დაიწყო სახელმწიფო პედაგოგიურ ინსტიტუტში გეოგრაფიის კათედრის მასწავლებლად, შემდეგ უფროს მასწავლებლად; 1989 წლიდან მუშაობს იმავე კათედრის გამგედ. გამოქვეყნებული აქვს სამეცნიერო ნაშრომები. მუშაობს ლანდშაფტმცოდნეობასა და მეთოდიკაში. გამოქვეყნებული შრომებიდან აღსანიშნავია მტკვარ-იორის ლანდშაფტების ფიტომასის პროდუქტების განსაზღვრა, მარტყოფის სტაციონარის მიდამოების ფიზიკურ-გეოგრაფიული დახასიათება, გეოგრაფიული გარსის ცნების სწავლება, ეკოლოგია და გეოგრაფია და სხვ. აქტიურ მონაწილეობას იღებდა ქართულ ენციკლოპედიაში მეთოდური და სამეცნიერო გეოგრაფიული ხასიათის სტატიების დაწერაში. გეოგრაფიულ მეცნიერებათა კანდიდატი, დოცენტი.

საკანდიდატო დისერტაციის თემა - "მტკვარ-იორის მდინარეთაშორისი ლანდშაფტები", დაიცვა 1975 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.229