გიორგი თუხარელი

დაიბადების ადგილი: ქ. თბილისი.

დაიბადა რკინიგზის ინჟინრის ივანე თუხარელის ოჯახში; 1928 წელს გაემგზავრა პარიზში სწავლის გასაგრძელებლად; პარიზში ჩასვლისას ის აქტიურად ჩაება ქართული ემიგრაციის კულტურულ, პოლიტიკურ და სპორტულ ცხოვრებაში; შეუერთდა ქართული შევარდენის ემიგრანტულ საფეხბურთო ნაკრებს, გახდა ქაქუცა ჩოლოყაშვილის შეფიცულის, შალვა ნებიერიძის მიერ 1931 წელს დაარსებულ ქართულ ემიგრანტულ დრამატულ დასის წევრი; იყო ემიგრაციის ახალგაზრდული ნაწილის აქტიური წევრი, მონაწილეობდა ემიგრანტთა დასახმარებლად გამართულ საქველმოქმედო ღონისძიებებში; 1930-იან წლებში გიორგი ეუფლება ინჟინრის სპეციალობას და მუშაობას იწყებს ფრანგულ საინჟინრო კომპანიაში; 1939 წელს მიხეილ კედიას შუამდგომლობით შევიდა შტუტგარტის სამხედრო სკოლაში; 1941 წელს ის უერთდება ახლად ჩამოყალიბებულ სამხედრო-პატრიოტულ ორგანიზაცია "თამარ-I"-ს, რომლის მთავარი მიზანი იყო ემიგრანტი ქართველების დახმარებით საქართველოს ტერიტორიაზე აჯანყების მოწყობა და ეროვნული მთავრობის ჩამოყალიბება; "თამარ I"-ის შენაერთი მეორე მსოფლიო ომში ჩაება 1942 წელს; გიორგი თუხარელი გმირულად დაიღუპა 1942 წლის სექტემბერში. ქართველი ემიგრანტი პარიზში, პატრიოტული სამხედრო ორგანიზაცია "თამარ I"-ის მებრძოლი.

წყარო: ქართველები უცხოეთში = Georgians abroad / რუსუდან დაუშვილი, გრიგოლ კალანდაძე, რუსუდან კობახიძე და სხვ.:წ.1.-თბ.,2012.-გვ.102-103