დალი ჩიკვილაძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტის ჟურნალისტიკის განყოფილება 1958 წელს.

1961 წელს ჩაირიცხა თსუ–ს ასპირანტურაში ჟურნალისტიკის ისტორიის სპეციალობაზე (ჟურნალისტიკის ფაკულტეტის პირველი ასპირანტი), მისი საკვლევი თემა იყო სრულიად შეუსწავლელი ჟურნალი "კრებული", რომლის ფაქტიური რედაქტორი იყო ნიკო ნიკოლაძე და გამოდიოდა 1871–1873 წლებში. 1963 წლის 14 სექტემბერს აირჩიეს ჟურნალისტიკის კათედრის უფროს მასწავლებლად, შემდეგ დოცენტად, 1991 წელს კი ჟურნალისტიკის ისტორიის კათედრის გამგედ. 48 წლის განმავლობაში ასწავლიდა თბილისის სახელმწიფო უნივერსიტეტში ქართული ჟურნალისტიკის ისტორიას. 2010 წლიდან იყო გურამ თავართქილაძის სახელობის სასწავლო უნივერსიტეტის სრული პროფესორი. დალი ჩიკვილაძის ხელმძღვანელობით ასპირანტურის კურსი გაიარა ბევრმა ასპირანტმა, მაგისტრანტმა და დოქტორანტმა, იყო  მრავალი რესპუბლიკური და საერთაშორისო კონფერენციის ორგანიზატორი ხელმძღვანელი და მონაწილე. მისსი სახელი და გვარი შესულია ამერიკის ბიოგრაფიის ლექსიკონში. ქართული ჟურნალისტიკის ისტორიისა და ნიკო ნიკოლაძის შემოქმედების მკვლევარი, პროფესორი.

წყარო: kvira.ge; ipress.ge; qartuliazri.reportiori.ge; imedinews.ge

• ნიკო ნიკოლაძის საზოგადოება, უცვლელი საპატიო თავმჯდომარე (2019-)

• 2020 - ღირსების მედალი (სიკვდილის შემდეგ)
  ჟურნალისტიკის განვითარების საქმეში შეტანილი პირადი წვლილისთვის, ნაყოფიერი სამეცნიერო-პედაგოგიური და საზოგადოებრივი საქმიანობისა და ღირსეული სამსახურისთვის
• 2015 - საქართველოს დამსახურებული ჟურნალისტი
• 2014 - ნიკო ნიკოლაძის სახელობის პრემია
  ქართული ჟურნალისტიკის განვითარებაში შეტანილი წვლილისთვის

• დაუვიწყარი პერსონალიები (ავტორი). - თბილისი, უნივერსალი, 2009. - 148გვ.
• ქართული პუბლიცისტიკა : ქრესტომათია (XIX საუკუნე) (შემდგენელი). - თბილისი, თბილ. უნ-ტის გამ-ბა, 2007. - 395გვ.
• ნიკო ნიკოლაძე, 160 : საიუბ. კრებული (რედაქტორი). - თბილისი, 2003. - 142გვ.
• წერილები. ქართული ჟურნალისტიკის ისტორიის საკითხები (ავტორი). - თბილისი, საბჭ. საქართველო, 1989. - 258გვ.
• ჟურნალი "კრებული" (1871-1873 წწ.) (ავტორი). - თბილისი, თბილ. უნ-ტის გამ-ბა, 1974. - 186გვ.