სოკრატ უგულავა

დაბადების ადგილი: სოფელი ყუმისთავი, წყალტუბოს რაიონი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტის გეოგრაფიული განყოფილება 1937 წელს. 

1928-1929წწ. მუშაობდა ქუთაისის ბარიტის ქარხანაში; 1929-1932წწ. საბჭოთა არმიის რიგებში იყო; 1932-1934წწ. მუშაობდა საუწყებო დაცვის ბრიგადაში ქ. ჭიათურაში და ოცეულის მეთაურის თანამდებობაზე ქ. თბილისში. გაიარა ასპირანტურის კურსი თბილისის სახელმწიფო უნივერსიტეტის ეკონომიკური გეოგრაფიის კათედრაზე, პარალელურად, მუშაობდა ქ. გორში გეოგრაფიის მასწავლებლად; 1953 წლიდან მუშაობდა სოხუმის პედაგოგიურ ინსტიტუტში, იქვე იყო კათედრის გამგე; 1959 წელს გადაიყვანეს ქუთაისის სახელმწიფო პედაგოგიურ ინსტიტუტში; 1966-1974წწ. იყო კათედრის გამგე. შესრულებული აქვს 35 სამეცნიერო ნაშრომი, რომელთა ნაწილი გამოქვეყნებულია. გეოგრაფიულ მეცნიერებათა კანდიდატი, დოცენტი (1956).

საკანდიდატო დისერტაციის თემა - "ქლუხორის რაიონი (ეკონომიკურ-გეოგრაფიული დახასიათებისათვის)", დაიცვა 1950 წელს. 

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.242