ოთარ უკლება

დაბადების ადგილი: სოფელი სიმონეთი, თერჯოლის რაიონი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი საბადოთა ძებნა-ძიების გეოფიზიკური მეთოდების სპეციალობით 1949 წელს.

1950-1953წწ. მუშაობდა საქართველოს მეცნიერებათა აკადემიის გეოფიზიკის ინსტიტუტის სეისმოლოგიის განყოფილებაში; - ხელმძღვანელ თანამდებობაზე სხვადასხვა საძიებო ექსპედიციებში; 1965 წლიდან მუშაობდა ქუთაისის პედაგოგიური ინსტიტუტის გეოგრაფიის კათედრაზე; 1972-1975წწ. იყო საბუნებისმეტყველო-გეოგრაფიის ფაკულტეტის დეკანი; 1975-1985წწ. - გეოგრაფიის კათედრის გამგე. მისი მეცნიერული კვლევის სფერო იყო ტყიბული-შაორის ქვანახშირის საბადოს და სამთო გეოლოგიის საკითხების გადაწყვეტა გეოფიზიკური მეთოდების გამოყენებით. აღნიშნულ საკითხება 50-მდე სამეცნიერო ნაშრომი მიუძღვნა. მიღებული აქვს სახელმწიფო ჯილდოები. აკაკი წერეთლის სახელობის სახელმწიფო უნივერსიტეტის პროფესორი.

საკანდიდატო დისერტაციის თემა - "ტყიბული-შაორის ქვანახშირის საბადოს და მიმდებარე ტერიტორიის საინჟინრო გეოლოგიის ზოგიერთი საკითხის გადაწყვეტა ელექტროძიების გამოყენებით", დაიცვა 1969 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.246