გერმანე ნაფეტვარიძე

დაბადების ადგილი: სოფელი ტობანიერი, ქუთაისის მაზრა.

მოღვაწეობდა ტფილისის ბოლშევიკების ლიტერატურულ ბიუროში, შინამოსამსახურეთა პროფკავშირში, თანამშრომლობდა გაზეთ "ახალ დროებაში"; 1909 წელს მისი ხელმძღვანელობით ტფილისში, ეკლესიის აღმართის 8 ნომერში (ამჟამინდელი დავითაშვილის ქ. 8) მოეწყო არალეგალური სტამბა. სტამბაში იბეჭდებოდა პროკლამაციები და გაზეთი "ტიფლისკი პროლეტარი", რომლისთვისაც მეთაური წერილი იოსებ ჯუღაშვილმა დაწერა. 1913 წელს აირჩიეს თბილისის ბოლშევიკური კომიტეტის წევრად; 1914-1921წწ. დასავლეთ საქართველოში დააარსა სამომხმარებლო კოოპერაციის კავშირები; მუშაობდა სამტრედიის ბოლშევიკურ ორგანიზაციაში და აქტიურად იბრძოდა მენშევიკური მთავრობის წინააღმდეგ. საქართველოში საბჭოთა ხელისუფლების დამყარების შემდეგ სხვადასხვა საპასუხიმსგებლო თანამდებობებზე მუშაობდა; 1937 წელს მოჰყვა დიდი წმენდის მსხვერპლთა შორის, 29 სექტემბრის გადაწყვეტილებით კონტრევოლუციური საქმიანობის გამო მიესაჯა სასჯელის უმაღლესი ზომა, დახვრეტა, რომელიც შესრულდა 1938 წელს. რეპრესირებული, რევოლუციონერი, ბუღალტერი.

წყარო: ქართული საბჭოთა ენციკლოპედია, ტ. 7. - თბ., 1984. - გვ.332

• თბილისის ბოლშევიკური კომიტეტი, წევრი