მზია ხეთაგური

დაბადების ადგილი: ქ. ცხინვალი.

დაამთავრა თბილისის შოთა რუსთაველის სახელობის თეატრალური ინსტიტუტის თეატრმცოდნეობის ფაკულტეტი. 1985 წელს მოსკოვში მაქსიმ გორკის სახელობის ლიტერატურულ ინსტიტუტში უმაღლესი კურსები გაიარა.

მუშაობდა ცხინვალის თეატრში, გალაკტიონ ტაბიძის სახლ-მუზეუმში. მისი პიესების მიხედვით დადგმული სპექტაკლები მსოფლიოს სხვადასხვა ქვეყანაში უდიდესი წარმატებით სარგებლობდა. პიესა "ხეტიალა" დაიდგა თბილისის და ბათუმის თოჯინების თეატრში, ამ სპექტაკლმა პოლონეთის საერთაშორისო ფესტივალზე პირველი ადგილი მოიპოვა. იგი არის მრავალი პოეტური ნაწარმოების და პიესის ავტორი, მისი შემოქმედება თარგმნილია სხვადასხვა ენაზე. ქართულ-ოსური ურთიერთობის მოსაგვარებლად გაწეული უდიდესი ღვაწლისთვის მიღებული აქვს მიხეილ ყიფიანისა და კოსტა ხეთაგუროვის სახელობის სიგელები, შემოქმედებითი ღვაწლისთვის საქართველოს წმინდა სამოციქულო ეკლესიის უმაღლესი ჯილდო - წმიდა გიორგის ოქროს ორდენი (2011). თეატრმცოდნე.

სადისერტაციო თემა - "მაყურებლის ფსიქოლოგია", დაიცვა მოსკოვში.

წყარო: ავანსცენიდან კულისებში / თამარ ციბალაშვილი // ავერსი .-თბილისი.-№149; sputnik-georgia.com; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.227

• 2000 - ღირსების ორდენი
• ვლადიმერ მაიაკოვსკის სახელობის პრემია

• სიცოცხლე, როგორც დანაშაული : ლექსები, მოთხრობები, წერილები, საბავშვო ზღაპრები, პიესები, სიმღერა, ლექსები და ზღაპრები (რუსულად), თარგმანები ქართულიდან] (ავტორი). - თბილისი, "ეროვნული მწერლობის" გამ-ბა და სტ., 2008. - 368გვ.
• ოაზისი თოვლიან ტრამალებში = Оазис в заснеженной степи : (სიტყვა ანაიდა ბესტავაშვილზე) (შემდგენელი). - თბილისი, 2005. - 44გვ.
• კოცნის ანაბეჭდები ანუ შეცდომებით სავსე რვეული : ლექსები. - ბათუმი, აჭარა, 2002. - 200გვ.
• მოთხრობები და პუბლიცისტიკა (ავტორი). - თბილისი, მერანი, 1992. - 224გვ.
• ხელშეუხებელი : პიესები (ავტორი). - თბილისი, მერანი, 1988. - 212გვ.