ალექსანდრე ტარსაიძე

დაბადების ადგილი: ქ. თბილისი.

მსახურობდა კადეტთა საზღვაო კორპუსში. 1918 წელს, კადეტთა კორპუსის დახურვის შემდეგ მუშაობდა ამიერკავკასიაში ამერიკის ელჩთან - უილიამ ჰასკელთან. საქართველოში საბჭოთა ხელისუფლების დამყარების შემდეგ იგი ემიგრაციაში წავიდა. მუშაობდა კონსტანტინოპოლის "American Relief Administration"-ში, ხოლო 1923 წელს აშშ-ში გადავიდა საცხოვრებლად. 1978 წლამდე მუშაობდა ასევე ემიგრაციაში მყოფი ქართველის - გიორგი მაჩაბელის კოსმეტიკურ და საიუველირო კომპანია "პრინც მაჩაბელში", იყო კომპანის საზოგადოებასთან ურთიერთობის სამსახურში. აქტიურად მონაწილეობდა სახელოვნებო აუქციონებში და ამერიკულ საზოგადოებრივ ცხოვრებაში. ალექსანდრე ტარსაიძე პარალელურად ეწეოდა სამწერლო საქმიანობას, მისი ძირითადი ნაშრომებია: "საზღვაო კორპუსის მეოთხედი საუკუნე, 1901-1925" (NYC, 1944), "ცარები და პრეზიდენტები" (NYC, 1958), "ოთხი მითი პირველ მსოფლიო ომზე" (NYC, 1969), "Katia: Wife before God" (NYC, 1977) და სხვ. აქვეყნებდა სტატიებს ჟურნალ "Life"-ში. 1941-1944 წლებში მუშაობდა აშშ-ს სამხედრო დაზვერვისთვის. მისი არქივი ინახება სტენფორდის უნივერსიტეტის ჰუვერის ინსტიტუტში. პირველი ქართველი ოფთალმოლოგის, გიორგი ალექსანდრეს ძე ტარსაიძის შვილი.

წყარო: საინფორმაციო პორტალი:  intermedia.ge