მოსე შანიძე

დაბადების ადგილი: სოფელი ნოღა, (გურია, საჯავახოს მხარე. სოფელი ნოღა დღეს სამტრედიის რაიონს ეკუთვნის, ხოლო იმ დროისთვის ის ქუთაისის მაზრას ეკუთვნოდა, სოფელი გაყოფილი იყო ორ ნაწილად).

დაამთავრა ყაზანის უნივერსიტეტის იურიდიული ფაკულტეტი წარჩინებით, 1909 წლის ქართული გაზეთები წერდნენ, რომ ყაზანის უნივერსიტეტის მეოთხე კურსის სტუდენტი მოსე შანიძე უნივერსიტეტის პროფესორთა კოლეგიას ოქროს მედლით დაუჯილდოვებია ნაშრომისათვის - "რუსეთის ცენზურის ისტორია". მოსე შანიძე იყო თბილისის სახელმწიფო უნივერსიტეტის იურიდიული­ ფაკულტეტის ერთ-ერთი დამაარსებელი. იგი, როგორც კათედრის მომავალი გამგე, 1920 წელს კვალიფიკაციის ასამაღლებლად გერმანიაში მიავლინეს. იქ ეუფლებოდა იურიდიულ მეცნიერებასა და სამედიცინო სასამართლო ექსპერტიზის მეთოდებს. იქვე დაასრულა ფრაიბურგის ქიმიის ინსტიტუტი. ბოლშევიკური რუსეთის მიერ საქართველოს დაპყრობის შემდეგ იგი სამშობლოში აღარ დაბრუნდა. მოსე შანიძემ ბრწყინვალედ იცოდა ფრანგული, გერმანული, ინგლისური და რუსული ენები. მან ემიგრაციაში სახელი შეიცვალა და გიორგი უოლტონად (Walton) იწოდებოდა. ცხოვრობდა ამერიკაში, აქტიურად მონაწილეობდა ქართველთა სათვისტომოს ღონისძიებებში, იყო მომღერალთა გუნდის ლოტბარი. დაკრძალულია ლოს-ანჯელესის სასაფლაოზე მეუღლესთან, ოლღა შანიძე-უოლტონთან (1885-1958) ერთად. სახელმწიფო­ სამართლის პირველი სპეციალისტი საქართველოში, აკაკი შანიძის ძმა.

წყარო: kvirispalitra.ge;  როგორც ყაზანიდგან გვატყობინებენ... // სახალხო გაზეთი. - 1909.-15 ნოემბერი. - N14. - გვ.4. - ახალი ამბები