ედისონ ქოჩქიანი

დაბადების ადგილი: სოფელი ჭოლაში, მესტიის რაიონი.

დაამთავრა ქუთისის სახელმწიფო პედაგოგიური ინსტიტუტი გეოგრაფია-ბიოლოგიის სპეციალობით 1950 წელს.

1960-1963წწ. მუშაობდა ჯერ სოფელ ხელედის (ლენტეხის რ-ნი) საშუალო სკოლაში მასწავლებლად, ხოლო შემდეგ სოფელ ცანის კოლმეურნეობის გამგეობის თავმჯდომარედ. 1963-1966წწ. ასპირანტურის კურსი გაიარა ვახუშტი ბაგრატიონის სახელობის გეოგრაფიის ინსტიტუტში; 1969 წლამდე მუშაობდა ამავე ინსტიტუტის ეკონომიკური გეოგრაფიის განყოფილებაში უმცროს მეცნიერ-თანამშრომლად; 1969 წლიდან მუშაობდა თბილისისა და გორის სახელმწიფო პედაგოგიურ ინსტიტუტებში, კითხულობდა ლექციების კურსს სსრკ ეკონომიკურ გეოგრაფიაში; 1971 წლიდან მუშაობდა მოსკოვის კოოპერაციული ინსტიტუტის თბილისის ფაკულტეტზე; 1986 წლიდან თბილისის 158-ე საშუალო სკოლის დირექტორად. გამოქვეყნებული აქვს 12 სამეცნიერო ნაშრომი, მათ შორის, ორი კოლექტიური მონოგრაფია.  გეოგრაფიულ მეცნიერებათა კანდიდატი, დოცენტი (1970). 

საკანდიდატო დისერტაციის თემა - "კავკასიონის მთიანი რაიონების სოფლის მეურნეობის გეოგრაფია", დაიცვა 1968 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.262