ქეთევან ყავრიშვილი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი გეოგრაფ-გეომორფოლოგიის კვალიფიკაციით 1940 წელს. 1940-1944წწ. გაიარა ასპირანტურის კურსი.

მუშაობდა თბილისის სახელმწიფო უნივერსიტეტის ფიზიკური ქვეყანათმცოდნეობის კათედრაზე. ეწეოდა როგორც პედაგოგიურ, ისე სამეცნიერო მუშაობას. კითხულობდა ლექციებს სსრკ ფიზიკურ გეოგრაფიასა და ქვეყანათმცოდნეობის კვლევის მეთოდებზე, აგრეთვე სპეცკურსებს; 1959 წლიდან მუშობდა ვახუშტი ბაგრატიონის სახელობის გეოგრაფიის ინსტიტუტში. მისი სამეცნიერო კვლევის ინტერესს ძირითადად საქართველოს ფიზიკურ-გეოგრაფიული ლანდშაფტები, აგრეთვე ლანდშაფტოლოგიის თეორიული საკითხების კვლევა წარმოადგენდა. რეგიონალური ხასიათის გამოკვლევებიდან ყურადღებას იქცევს აფხაზეთის ლანდშაფტების ტიპების, რაონებისა და მათი დინამიკის დადგენა-დახასიათებისადმი მიძღვნილი შრომათა ციკლი; აგრეთვე კარსტული ლანდშაფტებისა და კარსტის წარმოშობა-განვითარების პირობების შესწავლა. იკვლევდა აგრეთვე კახეთის, თუშეთის, ზემო იმერეთის, ქვემო რაჭისა და სვანეთის ფიზიკურ-გეოგრაფიულ პირობებს, ყურადღების ცენტრში იყო მთიანი მხარეების ლანდშაფტების კვლევის თეორიული საკითხების გარკვევა-გადაწყვეტაც. გეოგრაფიულ მეცნიერებათა კანდიდატი, დოცენტი (1952). 

საკანდიდატო დისერტაციის თემა - "თბილისის მიდამოების ფიზიკურ-გეოგრაფიული დახასიათება", დაიცვა 1948 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.265-266

• Природа карстовых территорий Черноморского побережья Грузии (ავტორი). - Тбилиси, Мецниереба, 1988. - 85с.
• საქართველოს სსრ ფიზიკური გეოგრაფია : სახელმძღვ. მე-7 კლასისათვის (თანაავტორი). - თბილისი, განათლება, 1982. - 152გვ.
• Географический анализ и систематика горных ландшафтов=L'analyse geographique et la systematisation des paysages des montagnes : На прим. Абхаз. и Мегрел. Кавкасиони (ავტორი). - Тбилиси, Мецниереба, 1979. - 228с.
• Физико-географическая характеристика окрестностей Тбилиси (ავტორი). - Тбилиси, Мецниереба, 1965. - 154с.