დევი ჭანკოტაძე

დაბადების ადგილი: ქ. თბილისი.
დაამთავრა თბილისის უმაღლესი საარტილერო სამეთაურო სამხედრო სასწავლებელი 1982 წელს; ეროვნული თავდაცვის უნივერსიტეტი (პეკინი) უმაღლესი სამეთაურო კურსები (12.02.2001 – 01.08.2001).

1982-1990წწ. მსახურობდა საბჭოთა კავშირის შეიარაღებულ ძალებში; 1991–1992წწ. იყო ქ. გორის მე-11 ბატალიონის შტაბის უფროსი; 1992–1994წწ. ეროვნული გვარდიის საარტილერიო პოლკის მეთაური; 1994–1995წწ. ეროვნული გვარდიის მთავარი სამმართველოს შტაბის უფროსი; 1995 წელს მეთაურობდა პირველ საარტილერიო ბრიგადას; 1996–1999წწ. მთავარსარდლის რეზერვის საარტილერიო ბრიგადას; 1999-2000წწ. მეთაურობდა არტილერიას; 2000–2004წწ. იყო საქართველოს შეიაღებული ძალების გენერალური შტაბის უფროსის პირველი მოადგილე; 2004-2005წწ. სამხედრო წარმომადგენელი დსთ ქვეყნების სამხედრო თანამშრომლობის საკოორდინაციო შტაბში, თავდაცვის ატაშე; 2005 წელს დაითხოვეს სამხედრო სამსახურიდან, ხოლო 2007 წელს დაინიშნა სახმელეთო ჯარების საარტილერიო ბრიგადის მეთაურად; 2008 წლის აგვისტოს რუსეთ-საქართველოს ომის შემდეგ დაინიშნა საქართველოს შეიარაღებული ძალების გაერთიანებული შტაბის უფროსის მოადგილედ; 2009 წლის 5 მარტიდან 2012 წლის 8 ოქტომბრამდე იყო საქართველოს შეიარაღებული ძალების, გაერთიანებული შტაბის უფროსი; 2020 წელს დაიწყო პოლიტიკური საქმიანობა. გაწევრიანდა "ერთიან ნაციონალურ მოძრაობაში"; საქართველოს საპარლამენტო არჩევნებში პარტიამ წარადგინა წყალტუბო-სამტრედია-ვანი-ხონის საარჩევნო ოლქის მაჟორიტარობის კანდიდატად; 2020 წელიდან საქართველოს მე-10 მოწვევის პარლამენტის წევრი, საარჩევნო ბლოკი: ბლოკი "ერთიანი ნაციონალური მოძრაობა - გაერთიანებული ოპოზიცია "ძალა ერთობაშია, საარჩევნო ფორმა: პარტიული სიით.  მიღებული აქვს სახელმწიფო ჯილდოები, მათ შორის: სამშობლოს ერთგულებისა და თავდადების I ხარისხის ნიშანი (2002), I–ლი ხარისხის მედალი საქართველოს თავდაცვის სამინისტროს სისტემაში უმწიკვლო სამსახურისთვის (2008), აშშ-ის ლეგიონის ღირსების ორდენი. სამხედრო მოღვაწე, გენერალ-ლეიტენანტი (2012): 

წყარო: ქართული სამხედრო ენციკლოპედიური ლექსიკონი / ავტორები და შემდგენლები: ელგუჯა მეძმარიაშვილი, თენგიზ შუბლაძე, ზურაბ აბაშიძე [და სხვ.].-თბ.,2017.-599გვ.; civil.ge; საქართველოს პარლამენტის ვებგვერდი: parliament.ge; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.304

• საქართველოს მე-10 მოწვევის პარლამენტი, წევრი (2020-)
• საქართველოს მე-10 მოწვევის პარლამენტის თავდაცვისა და უშიშროების კომიტეტი , წევრი (2021-)
• საქართველოს მე-10 მოწვევის პარლამენტის საპარლამენტო ოპოზიცია, საპარლამენტო ოპოზიციის წევრი (2021-)
• საქართველოს მე-10 მოწვევის პარლამენტის ფრაქცია "ერთიანი ნაციონალური მოძრაობ"- გაერთიანებული ოპოზიცია "ძალა ერთობაშია", წევრი (2021-)

• 1995 - ვახტანგ გორგასლის III ხარისხის ორდენი
• ბრწყინვალების საპრეზიდენტო ორდენი