ქეთევან შალამბერიძე

დაბადების ადგილი: ქ. ქუთაისი.

დაამთავრა ქუთაისის სახელმწიფო პედაგოგიური ინსტიტუტის გეოგრაფიის ფაკულტეტი ფიზიკური გეოგრაფიის სპეციალობით 1938 წელს და დამტკიცებულ იქნა ფიზიკური გეოგრაფიის კათედრაზე ლაბორანტად.

1939-1956წწ. მუშაობდა ამავე კათედრის ასისტენტის თანამდებობაზე; 1956-1985წწ. კათედრის უფროსი მასწავლებლის თანამდებობაზე. ლექციების კურსს კითხულობდა კონტინენტებისა და ოკეანეების ფიზიკურ გეოგრაფიაში. მისი მეცნიერული მუშაობა ძირითადად მოიცავდა იმერეთის მხარის ფიზიკურ-გეოგრაფიული (ლანდშაფტური) კომპონენტების კვლევას. ამ მიმართულებით გამოქვეყნებული აქვს ორ ათეულზე მეტი სამეცნიერო ნაშრომი. გეოგრაფი, უფროსი მასწავლებელი.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.268-269