ირაკლი შენგელია

დაბადების ადგილი: სოფელი ქოლობანი, აბაშის რაიონი.

დაამთავრა თბილისის სახელმწიფო უნივერსიტეტის მექანიკა-მათემატიკის ფაკულტეტი გამოთვლითი მათემატიკის სპეციალობით 1976 წელს.

1977-1994წწ. მუშაობდა ვახუშტი ბაგრატიონის სახელობის გეოგრაფიის ინსტიტუტში ბუნებრივი პროცესების მოდელირების ლაბორატორიაში ჯერ ინჟინრის, შემდეგ უფროსი ინჟინრის, წამყვანი ინჟინრის, უმცროსი მეცნიერ-თანამშრომლის, ხოლო 1990 წლიდან უფროსი მეცნიერ-თანამშრომლის თანამდებობებზე. 1993 წლიდან მუშაობდა საკარმიდამო, სააგარაკო და საბაღე ნაკვეთების მომსახურების რესპუბლიკური ცენტრის - "საქქალაქაგროსერვისის" გენერალურ დირექტორად; 2000 წლიდან შეთავსებით მუშაობს გეოფიზიკის ინსტიტუტში უფროს მეცნიერ-თანამშრომლად. გამოქვეყნებული აქვს სამეცნიერო სტატიები. მუშაობდა თემაზე - რადიაციული რეჟიმი და მისი ბუნებრივი და ანთროპოგენური ცვლილება საქართველოში. კვლევის სფეროა ჰავის თანამედროვე ცვლილებების შესწავლა საქართველოში, გლობალური დათბობის ფონზე რადიაციული ნაკადების ცვლილების თავისებურებათა დადგენა და სხვ. ფიზიკა-მათემატიკის მეცნიერებათა კანდიდატი.

საკანდიდატო დისერტაციის თემა - "მზის სპექტრული რადიაციული ველის მოდელირება ზღვის სანაპირო ზოლში (დასავლეთ საქართველოს მაგალითზე)", დაიცვა 1989 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.273