აკაკი კობაძე

დაბადების ადგილი: ქ. ქუთაისი.

დაამთავრა თბილისის სახელმწიფო უნივერსიტეტის ფილოსოფიის ფაკულტეტი 1976 წელს და ასპირანტურა 1982 წელს.

1976 წლიდან ეწევა სამეცნიერო პედაგოგიურ მოღვაწეობას: 1976-1980წწ. ქუთაისის პოლიტექნიკური ინსტიტუტის კათედრის ასისტენტი; 1980-1982წწ. თბილისის ივანე ჯავახიშვილის სახელობის სახელმწიფო უნივერსიტეტის ასპირანტი; 1983-1989წწ. საქართველოს ზოოვეტერინარული ინსტიტუტის უფროსი მასწავლებელი, საქართველოს მეცნიერებათა აკადემიის ხალხთა მეგობრობის მუზეუმის უფროსი მეცნიერ-თანამშრომელი; 1986 წლიდან საქართველოს ტექნიკური უნივერსიტეტის დოცენტი; 1990-1991წწ. საქართველოს პირველი მოწვევის უზენაესი საბჭოს წევრი: საარჩევნო ბლოკი-"მრგვალი მაგიდა-თავისუფალი საქართველო", საქართველოს ეროვნული ფრონტი-რადიკალური კავშირი, საარჩევნო ფორმა: პარტიული სიით; ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1991 წლის 9 აპრილი). ფილოსოფიის მეცნიერებათა დოქტორი.

წყარო: საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015/კობა ამირხანაშვილი.- თბ., 2015.- გვ. 208

• საქართველოს რესპუბლიკის პირველი მოწვევის უზენაესი საბჭო, წევრი (1990-1991)
• საქართველოს რესპუბლიკის პირველი მოწვევის უზენაესი საბჭოს ადამიანის უფლებათა დაცვის კომისია, მდივანი (1990-1991)
• საქართველოს რესპუბლიკის პირველი მოწვევის უზენაესი საბჭოს რელიგიის საქმეთა კომისია, წევრი (1999-1991)
• საქართველოს რესპუბლიკის უზენაესი საბჭოს ჰუმანიტარულ და სოციალურ საკითხთა კომისია, მდივანი (1990-1991)