გიორგი ჩხუბიანიშვილი

დაბადების ადგილი: ქ. თელავი.

დაამთავრა თბილისის სახელმწიფო უნივერსიტეტი სწავლული აგრონომის სპეციალობით 1928 წელს.

1928-1931წწ. მუშაობდა კახეთის საცდელ სადგურში (ურიათუბანი) მეტეოროლოგ-ფენოლოგის თანამდებობაზე; 1932-1937წწ. - მეტეოროლოგიის განყოფილების გამგედ; 1937 წლიდან ქ. თელავში საქართველოს მევენახეობისა და მეღვინეობის ინსტიტუტში იყო აგრომეტეოროლოგიის განყოფილების გამგე. 1937 წელს დაიცვა საკანდიდატო დისერტაცია. 1954-1976წწ. მუშაობდა საქართველოს მებაღეობის, მევენახეობისა და მეღვინეობის ინსტიტუტში აგრომეტეოროლოგიის განყოფილების გამგედ. გამოქვეყნებული აქვს 50-მდე სამეცნიერო ნაშრომი, რომლებიც ძირითადად ეხება კახეთისა და ქართლის ვაზის ჯიშების ზრდა-განვითარების აგროკლიმატური პირობების შესწავლას, მორწყვის ვადებისა და ნორმების შესწავლას. სსრკ მიღწევათა გამოფენის ოთხგზის მონაწილეა (1954, 1965, 1967, 1968), მიღებული აქვს ოქროს მედალი. სოფლის მეურნეობის მეცნიერებათა კანდიდატი.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.283

• ივრის ზეგნის აგროკლიმატი მევენახეობის განვითარებისათვის (ავტორი). - თბილისი, საბჭ. საქართველო, 1978. - 70გვ.
• ვაზისა და ხეხილის ყინვებით დაზიანება საქართველოში (ავტორი). - თბილისი, მეცნიერება, 1973. - 89გვ.