თენგიზ ცინცაძე

დაბადების ადგილი: ქ. ოზურგეთი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი ხმელეთის ჰიდროლოგიის სპეციალობით 1978 წელს; თბილისის ივანე ჯავახიშვილის სახელობის სახელმწიფო უნივერსიტეტი, სპეც ფაკულტეტი-ბიზნესის უმაღლესი სკოლა 1991 წელს; თბილისის სახელმწიფო უნივერსიტეტის გეოგრაფია-გეოლოგიის ფაკულტეტის ასპირანტურა.

მუშაობა დაიწყო საქართველოს მეცნიერებათა აკადემიის ჰიდრომეტეოროლოგიის ინსტიტუტში ინჟინერ-ჰიდროლოგის თანამდებობაზე; 1982-1987წწ. საველე ექსპერიმენტული ბაზის უფროსი; 1987-2008წწ. ინტიტუტის დირექტორის მოადგილე სამეცნიერო-საწამოო დარგში; 2008-2024წწ. საქართველოს ტექნიკური უნივერსიტეტის ჰიდრომეტეოროლოგიის ინსტიტუტი, დირექტორი; გამოქვეყნებული აქვს სამეცნიერო ნაშრომები, არის 14 ცნობარის, მონოგრაფიის და შრომათა კრებულის რედაქტორი. ტექნიკურ მეცნიერებათა კანდიდატი.

საკანდიდატო დისერტაციის თემა - "ჰიდრომეტეოროლოგიურ პროცესებზე აქტიური ზემოქმედებით ხელოვნურად მდინარეთა ჩამონადენის გაზრდის ეფექტურობის განსაზღვრის ჰიდროლოგიური მეთოდი", დაიცვა 1985 წელს. 

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.285; interpressnews.ge; საქართველოს ტექნიკური უნივერსიტეტის ჰიდრომეტეოროლოგიის ინსტიტუტის ვებგვერდი: my.gtu.ge

• საქართველოს საინჟინრო აკადემია, აკადემიკოსი

• ეკოლოგიური მონიტორინგი : სახელმძღვანელო (რედაქტორი). - თბილისი, ჰმი-ს გამომცემლობა, 2019. - 244გვ. . - ISBN: 9789941814907
• რეგონალური მიკროცირკულაციური ატმოსფერული პროცესების დინამიკა მთა-გორიან ტერიტორიაზე (რედაქტორი). - თბილისი, ჰიდრომეტეოროლოგიის ინ-ტის გამ-ბა, 2018. - 104გვ.. - ISBN: 9789941808463
• საქართველოს ჰავა (რედაქტორი). - თბილისი, საქ. ტექნ. უნ-ტი, ჰიდრომეტეოროლოგიის ინ-ტი, 2017. - 360გვ. . - ISBN: 9789941095849